Lukaşenkonun Ukraynaya qarşı müharibəyə girməsi rejim üçün intihar olar - Ukrayna Müdafiə naziri

Aleksandr Lukaşenko Ukraynaya qarşı genişmiqyaslı müharibəyə girməyə hazır deyil. Belə bir qərar onun rejimi üçün intihar olardı.

Sfera.az bildirir ki, bunu Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov deyib.

Bununla belə, o qeyd edib ki, Belarus Rusiya ordusu üçün silah, texnika və sursatla yardım edir.

“Quru əməliyyatında tam miqyaslı iştiraka gəlincə: biz Lukaşenka rejiminin bu addımı atmağa hazır olduğunu görmürük, amma fərqli xarakterli yardım - silah, texnika, ağır texnika və sursat - bəli, Lukaşenko buna hazırdır və belə yardımlar edir”-deyə Yusov bildirib.

Kəşfiyyat nümayəndəsi onu da qeyd edib ki, Aleksandr Lukaşenko Belarus ərazisini rusların təlimi və poliqon kimi verməyə də hazırdır.

Andrey Yusov hesab edir ki, Minskin Ukraynaya qarşı müharibədə iştirakdan imtina etməsinin səbəblərindən biri də bunu Belarus hərbçilərinin istəməməsidir. Belə bir qərar qəbul ediləcəyi təqdirdə, belarus hərbçilərinin Ukrayna Silahlı Qüvvələrinə təslim olmaq niyyətində olduqlarını bildiriblər.

Xatırladaq ki, dekabrın 20-də Ukrayna Silahlı Qüvvələrinin Birləşmiş Qüvvələrinin komandanı Sergey Naev Belarusdan hərbi təhlükənin səviyyəsinin artdığını bildirmişdi. Onun sözlərinə görə, Baş Qərargah cavab vermək üçün bütün lazımi tədbirləri görür.
 

Ekspertlərin fikrincə isə Putin Belarus lideri ilə danışıqlardan fərqli nəticə əldə etmək istəyirdi. Analitiklərkeçirilən görüşdə Lukaşenkonun Putinin Ukraynaya qarşı müharibəyə qatılmaq təklifindən imtina etməsinin mümkünlüyünü dilə gətiriblər.

Aynil