Putin və Şoyqu Lukaşenko ilə görüşmək üçün Minskə getdi
Rusiya prezidenti Vladimir Putin və Rusiyanın müdafiə naziri Sergey Şoyqu Aleksandr Lukaşenko ilə görüşmək üçün Belarusa gedib.
Sfera.az bildirir ki, “Belarus Gayun” monitorinq qrupunun məlumatına görə, sui-qəsd tədbirlərinə görə Putinin uçduğu üç hökumət təyyarəsi eyni anda havaya qaldırılıb.
Putin və Lukaşenko danışıqlar zamanı idxalın əvəzlənməsi, enerji sektorunda əməkdaşlığı müzakirə edəcək, həmçinin regionda və dünyada təhlükəsizlik məsələsinə diqqət yetirəcəklər. Tərəflərin həmçinin təhdidlərə cavab olaraq birgə tədbirləri müzakirə edəcəyi gözlənilir.
Vladimir Putinin mətbuat katibi Dmitri Peskov bildirib ki, bugünkü görüşdə hərbi məsələləri də müzakirə etmək imkanı olacaq. O, həmçinin Putinin Belarusu Ukraynaya qarşı müharibədə iştirak etməyə məcbur etmək fikrində olmadığını iddia edib. Onun sözlərinə görə, bunlar axmaq və əsassız uydurmalardır.
Bununla belə, Peskov bildirib ki, Belarus Rusiya üçün əsas müttəfiqdir, bütün qərarlar rus və belarus xalqlarının maraqları, eləcə də “ittifaq” dövlətinin maraqları nəzərə alınmaqla qəbul edilir.
Ukrayna Silahlı Qüvvələrinin Birləşmiş Qüvvələrinin komandanı, general-leytenant Sergey Naev bildirib ki, danışıqlar zamanı Vladimir Putin Aleksandr Lukaşenko ilə Belarus silahlı qüvvələrinin Ukraynaya qarşı müharibəyə cəlb olunmasını müzakirə edəcək.
Analitiklər isə bildiriblər ki, Putinin Lukaşenko ilə planlaşdırılan görüşü müharibənin yeni mərhələsi üçün fəallıq nümayiş etdirmək və informasiya şəraiti yaratmaq səylərinin bir hissəsidir.
Lakin çətin ki, Lukaşenko öz ordusuna Ukraynaya hücum əmri versin.
Qeyd edək ki, bu, Kreml rəhbərinin 2019-cu ilin iyunundan bəri Belarusa ilk səfəridir.
Aysel
