“Ümid edirik ki, Vaşinqton bizi eşidəcək” – Mariya Zaxarova
“Vaşinqtonun təhlükəli siyasəti ABŞ və Rusiyanı birbaşa qarşıdurma astanasına gətirir”.
Sfera.az bildirir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib. Diplomat vurğulayıb ki, Əfqanıstandakı fiaskodan sonra Vaşinqton Kiyevdəki neonasist rejiminə maliyyə dəstəyi verməklə, həmçinin hərbi mövcudluğunu artırmaqla yeni münaqişəyə cəlb olunur.
Zaxarova əlavə edib ki, Moskva öz növbəsində Co Bayden administrasiyasını vəziyyəti ayıq şəkildə qiymətləndirməyə çağırır.
“Ümid edirik ki, Vaşinqton bizi eşidəcək, baxmayaraq ki, hələlik optimizm üçün əsas yoxdur. Rusiya gərginliyin azaldılmasında və qarşılıqlı olaraq dinc yaşamaq prinsiplərinin razılaşdırılmasında maraqlıdır. Biz Birləşmiş Ştatlarla müxtəlif səviyyələrdə ünsiyyətdən imtina etmirik. Lakin ən azı minimal irəliləyiş üçün bizə siyasi iradə, açıq düşüncə və vicdanla danışıqlara hazırlıq tələb edən addım lazımdır. Bu isə indi Vaşinqtonda tamamilə yoxdur”, - Rusiya Xarici İşlər Nazirliyinin rəsmi nümayəndəsi söyləyib.
Günay Rəsulqızı
