“Vaşinqton Ukraynanın Krımda hərbi əməliyyatlar keçirmək hüququnu tanıyır”.

Sfera.az bildirir ki, bunu ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi ötən axşam brifinq zamanı deyib.

“Krım Ukraynadır. Ukraynalıların isə öz ölkəsi daxilində əməliyyatları harada, necə, hansı tempdə, hansı miqyasda və hansı müddətdə həyata keçirəcəklərinə qərar vermək hüququ var”.

Rusiya Federasiyasının Prezidenti yanında Krımın daimi nümayəndəsi Georgi Muradov isə “RİA Novosti”yə açıqlamasında sözügedən çıxışı Rusiyaya qarşı “müharibə elanı” kimi qiymətləndirib.

“Kirbinin Krımla bağlı bəyanatı ABŞ-ın Rusiyaya müharibə elanıdır. ABŞ Almaniyanın birinci kansleri Otto fon Bismarkın “Rusiyaya toxunmamaq” çağırışını unutmamalıdır”.

Qeyd edək ki, Krım 2014-cü ildə referendumdan sonra Rusiyanın tərkibinə daxil olub.

Günay Rəsulqızı