“Neftin qiyməti ilə bağlı proqnozlar nikbin deyil” – Vüqar Bayramov 

“Neftin qiyməti ilə bağlı proqnozlar nikbin deyil” – Vüqar Bayramov 

Millət vəkili, iqtisadçı Vüqar Bayramov neft qiymətlərinin bir qədər də enəcəyini proqnozlaşdırır.

 

Sfera.az xəbər verir ki, V.Bayramov Avropa İttifaqının Rusiyadan idxal etdiyi neftin hər barelinə 60 dollar qiymət tavanı müəyyənləşdirməsinin neft qiymətləri ilə bağlı pessimistlik yaradan səbəblərdən biri olduğunu deyib:

 

“Bu qərar birjalara təsirsiz ötüşmədi. Hələlik bazarda qiymətlərdə ciddi dəyişkənlik müşahidə olunmasa da dekabrın ilk günündən bəri bir bareli 90 dollara təklif edilən “Brent” markalı neftin qiyməti kəskin azalaraq 83 dollara düşüb. Bu, son 4 gündə neftin qiymətində 8 faizdən çox azalmanın olması anlamına gəlir”.

 

V.Bayramov əsas neft ixracatçısı olan Səudiyyə Ərəbistanın və əsas neft idxaçlısı olan Çinin neft qiymətlərinin enməsinə səbəb olan addım atdığını da söyləyib:

 

“”Saudi Aramco” yanvar təkliflərində Asiya üçün hər bareldə 2,20 dollar, “The Saudi” isə Avropa üçün 1,8 dollar qiymət azalmasına gedib. Bu, iri istehsalçıların neft bazarında baş verənlərə və eləcə də Qərbin qərarlarına priventiv reaksiyasından xəbər verir. Digər tərəfdən Çin karantin qaydalarını yumşaltsa da “Sıfır COVİD” siyasətinin davam edəcəyini bəyan edib. Bu isə o deməkdir ki, yaxın aylarda da Çində neftə olan tələb yüksəlməyəcək. Dünyanın ikinci ən böyük neft istehlakçısındakı qərarlar neft bazarına birbaşa təsir edən faktorlar sırasındadır. Bu baxımdan, 2023-cü il üçün də neftin dünya bazar qiyməti ilə bağlı proqnozlar hələlik nikbin deyil”.

 

V.Bayramov neft qiymətlərindəki dəyişikliyin Azərbaycan üçün əhəmiyyətli hadisə olduğunu vurğulayıb. Onun fikrincə, indiki qiymətlər Azərbaycana problem yaratmasa da daha çox ucuzlaşma gələcəkdə müəyyən çətinliklər yarada bilər: “Azərbaycan üçün neftin dünya bazar qiyməti ölkəyə daxil olan valyutanın həcmi baxımdan əhəmiyyətlidir. Valyuta daxilolmalarının 80 faizi neft və neft məhsullarının payına düşür. Ölkəyə daxil olan valyutanın həcmi eyni zamanda milli valyutanın məzənnəsinə təsir göstərən faktorlardan hesab olunur. Bu baxımdan, ümumi həcmi azaltmadan ixracatda və fiskal gəlirlərimizdə neftin payının azaldılması daha da prioritetləşməkdədir”.

 

Xatırladaq ki, Azərbaycanın 2023-cü ilin dövlət büdcəsində neftin qiyməti 50 dollardan götürülüb.

 

Vasif

Sfera.az


OXŞAR XƏBƏRLƏR

“Azərbaycan da buna görə müvafiq addımlar atıb” – VİDEO

“Əslində, son 50 ildə informasiya texnologiyalarında sürətli inkişaf məlumatların qorunmasının vacibliyini artırır. İndi bəzi ölkələr üçün gizli informasi...

Zaxarova: "Qərb Cənubi Qafqazda sülhün təmin edilməsinə qarşıdır"

Qərb ölkələrinin Cənubi Qafqaz regionu üçün dağıdıcılıqdan başqa heç bir gündəmi yoxdur.   Sfera.az xəbər verir ki, bunu Rusiya Xarici İşlər Nazirliy...

"Instagram"dan bu şəxslərə MƏHDUDİYYƏT - Paylaşımlar görünməyəcək

"İnstagram" 16 yaşdan kiçik istifadəçilərin hesablarını “Gənc hesab” kimi tanıyacaq və onlara bir sıra məhdudiyyətlər tətbiq edəcək. &...

Şənbə günü yağış yağacaq - PROQNOZ

Sentyabrın 21-də Azərbaycanda yağış yağacağı gözlənilir.   Bu barədə Sfera.az Milli Hidrometeorologiya Xidmətindən məlumat verilib.   ...

Torpaqlardan istifadə ilə bağlı 3 mindən çox pozuntu aşkarlandı - VİDEO

Bu ilin I yarısında Azərbaycanda torpaqlardan istifadəyə və onların mühafizəsinə dövlət nəzarəti tədbirləri çərçivəsində ölkə üzrə ümumilikdə 8 410 mo...

Prezidentin ötən gün açılışında iştirak etdiyi məktəbdən görüntülər - VİDEO

Elm və Təhsil Nazirliyi Prezident İlham Əliyevin ötən gün Xankəndi şəhərində açılışında iştirak etdiyi Nizami Gəncəvi adına 4 nömrəli tam orta məktəbin videogör...