Paşinyanın qızı QHT sədrini Facebookdakı paylaşımına görə MƏHKƏMƏYƏ VERDİ

Ermənistanda məşhur “Kürü” işi üzrə yeni məhkəmə prosesi başlayıb.

Sfera.az xəbər verir ki, 2020-ci ilin fevralında baş nazir Nikol Paşinyanın qızı Şuşan Paşinyan “Vətəndaş Şüuru” QHT-nin rəhbəri Narek Samsonyanı məhkəməyə verib, çünki o, yanvarın 26-da Facebook səhifəsində baş nazirin qızının kiloqramını 3 min dollara qara kürü yediyini yazıb.

Şuşan Paşinyan böhtan sayılan məlumatı açıq şəkildə təkzib etməyi və 2 milyon dram təzminat ödəməyi tələb edir.

Onu da xatırladaq ki, ilkin olaraq iddia rədd edilib. Şuşan Paşinyan apellyasiya məhkəməsinə müraciət edib, iddia təmin edilib, iş yeni ekspertizanın keçirilməsi üçün aşağı məhkəməyə göndərilib. Narek Samsonyan işi mahiyyəti üzrə həll edən məhkəmə aktından kassasiya məhkəməsinə müraciət edib.

QHT nümayəndəsi dolayısı ilə sözügedən paylaşımı pis məqsədlə etməyini deyib.

“Xahiş edirəm, mənə izah edin ki, kürü yemək mənfi rəy formalaşdırmağa əsas ola bilər? Mənə izah edin, kürü yeməyin kimdə nə dərəcədə mənfi rəy formalaşdıra biləcəyini anlamağa çalışacağam. İndi sizə kürü yediyinizi desəm, bu o deməkdirmi ki, sizi ictimaiyyət qarşısında hədəfə alırlar? Mənfi ifadəni necə müəyyənləşdirirsiniz? İndi deyirsiniz ki, mənim dediklərim nadanlıqla, qarınqululuqla bağlıdır. O qədər və ondan qat-qat baha kürü yeyənlər var. Bəs bu acgözlük və dediyiniz kimi etinasızlığın əlaməti ola bilərmi? İndi siz iddia edirsiniz ki, 3000 dollara 2 kq kürü yemək camaat arasında acgözlük, tənbəllik və digər neqativ hallarla əlaqələndirilir. Bunu necə ölçüb, necə qərar verirsən, aydın deyil”, - N.Samsoyan bildirib.

Əzizə Zeynal