Podolyak Ukraynanın “dövlət sirri”ni AÇDI 

Ukraynanın “dövlət sirri” kimi saxladığı məlumatlar ortaya çıxıb.

Sfera.az bildirir ki, bir müddət əvvəl "ölkənin müharibədəki itkiləri dövlət sirridir", deyən Ukrayna müdafiə nazirinin müavini Anna Malyarın açıqlamasına zidd addım atılıb.

Belə ki, Zelenskinin müşaviri Mixaylo Podolyak Ukraynanın müharibə itkilərini açıqlayıb. Onun sözlərinə görə, müharibədə həlak olan ukraynalı əsgərlərin sayı 10-13 min arasındadır. Ukrayna ordusu isə bu rəqəmi təsdiqləməyib.

Ukrayna liderinin “sağ əli” kimi də tanınan Podalyak bundan öncə, iyun ayında verdiyi açıqlamada müharibədə hər gün 100-200 əsgərin həlak olduğunu bildirmişdi.

Qeyd edək ki, daha əvvəl ABŞ-ın Baş Qərargah rəisi, general Mark Milley savaşda təxminən 100 min rus və 100 min ukraynalı əsgərin öldüyünü və ya yaralandığını təxmin etdiklərini söyləyib. Moskvanın hərbi itkilərlə bağlı yekun bəyanatı isə sentyabrda verilib. Kreml ölən əsgərlərin sayını 5937 nəfər olaraq açıqlayıb. Bu açıqlamadan sonra Rusiyadakı hərbi itkilərlə bağlı heç bir yenilik olmayıb.

Günay Rəsulqızı