“Putin üçün hədiyyə” kampaniyası - İstilik, su və elektrik enerjisinin kəsilməsi TƏKLİF EDİLDİ
Çexiyanın “Putin üçün hədiyyə” layihəsi ölkədə Rusiyaya məxsus yaşayış binalarının elektrik enerjisindən ayrılmasını təklif edən petisiya dərc edib.
Sfera.az bildirir ki, jurnalistlərin dili ilə bu jest Rusiya işğalçıları tərəfindən Ukraynanın enerji infrastrukturunun sistemli şəkildə məhv edilməsinə bir növ cavabdır.
Petisiya müəllifləri qeyd edir ki, Rusiya kritik infrastrukturu dağıtmaq taktikasından istifadə edərək Ukraynanı qaranlıq və şaxta ilə sındırmaq qərarına gəlib. Buna görə də, ən yüksək mənəvi prinsiplərə əsaslanaraq “Putin üçün hədiyyə” layihəsi müvafiq dövlət və özəl təchizatçılardan “Praqadakı rus diplomatlarına öz həblərinin dadını vermələrini” xahiş edib.
“Biz Rusiya Federasiyasına məxsus bütün binaların qaz, su və işıqdan kəsilməsini tələb edirik”- deyə müraciətdə bildirilib.
Petisiyanın müəllifləri vurğulayıblar ki, Ukraynaya raket hücumları dinc əhalinin həyatına fəlakətli və gündəlik təsir göstərir. Təkcə mənzillər, məktəb və uşaq bağçaları, mağazalar və istehsal müəssisələri deyil, müxtəlif tibb müəssisələri də işıqsız və susuz qalıb. Materialda jurnalistlər həmçinin istifadəçilərin Rusiyanın hücumlarına cavab olaraq Rusiya səfirliyində elektrik enerjisinin kəsilməsinə razı olub-olmaması ilə bağlı sorğu anketi də yerləşdiriblər.
Bu nəşr zamanı respondentlərin 82,6%-i müsbət, 16,5%-i mənfi cavab verib. 1%-dən az isə neytral qalıb.
Xatırladaq ki, Ukraynanın baş naziri Denis Şmıxal noyabrın 29-da Ukraynanın enerji sistemində çətin vəziyyət yarandığını bəyan edib. Onun sözlərinə görə, ölkənin bütün bölgələrində demək olar ki, bərpa işləri tamamlanıb, buna görə də dövlətin məişət istehlakçılarını gündə 5-6 saat elektrik enerjisi ilə təmin etmək imkanı var. “Ukrenerqo”nun rəhbəri Volodimir Kudritski işğalçıların raket hücumları ilə bağlı açıqlamasında Rusiya silahlı qüvvələrinin oktyabrın 10-da Ukraynanın enerji infrastrukturuna maksimum ziyan vurmaq istədiyini qeyd edib.
Bununla belə, o, Rusiya tərəfinin hər hansı nəticə əldə etmək üçün ehtiyatda olan raketlərdən istifadə edərək növbəti 7 hücum dalğasını nəzərdə tutduğunu bildirib.
Aynil
Sfera.az
