ABŞ-da prezidentliyə namizədlər Donald Trampla Hillari Klinton arasında ilk teledebat baş tutub.

CNN telekanalının tamaşaçıları ilk debatda qələbəni Demokratlar partiyasından namizəd olan Klintona veriblər. Debatdan dərhal sonra keçirilən sorğuda respondentlərin 62 faizi Klintonu, 27 faizi isə Trampı qalib olaraq görüb.

Onların fikrincə, Klinton öz fikirlərini daha dəqiq ifadə edib və baş verənlərlə bağlı daha dərin biliklərə sahibdir.

Qeyd edək ki, Tramp-Klinton debatı Amerika tarixininin ən reytinqli siyasi şousu olub. Onun tamaşaçılarının sayı təxminən 100 milyon olub. Belə ki, bu qədər insan ancaq Amerika futbolunun final kubokunu izləmək üçün ekran başına toplaşır.