Alla Puqaçova Rusiyadakı son biznesini bağladı - FOTOLAR
2022-ci ilin fevral ayında Putin rejimi və müharibəyə etiraz edərək həyat yoldaşı və uşaqları ilə birlikdə Rusiyanı tərk edib İsraildə yaşayan Alla Puqaçovadan növbəti addım gəlib.
Sfera.az bildirir ki, Alla Puqaçova Rusiya ilə bütün əlaqələrini kəsib və ölkədəki son biznesini də bağlayır. Bu barədə Rusiya mətbuatı məlumat yayıb.
Primadonna Rusiyadakı sonuncu şirkətinin - radio yayımı sahəsində fəaliyyət göstərən “ABP”nin səs yazısı və musiqi əsərlərinin nəşri sahəsində fəaliyyətini dayandırır. Xüsusi SPARK sisteminə əsasən, şirkətin ləğvi ilə bağlı ərizə 23 noyabr 2022-ci il tarixində verilib.
Qeyd edək ki, Puqaçovanın mahnıları Rusiya radiosunda səslənməsi dayandırılıb.Şirkət həmçinin bildirir ki, məşhurun tamaşaçıların cari ehtiyaclarını ödəyəcək yeni mahnıları yoxdur.
2022-ci ilin fevral ayında ulduz həyat yoldaşları uşaqları ilə birlikdə Rusiya ərazisini tərk edərək müəyyən müddətə İsrailə köçüb. Orada rus komediya ustası Maksim Qalkin yerli sənətçi kimi konsertlər verməyə və pulun bir hissəsini Ukrayna Silahlı Qüvvələrinə köçürməyə başlayıb.
Avqustun sonunda Puqaçova Rusiyaya qayıtsa da, bir neçə gün sonra ölkəni tərk edib. Müğənninin İsrail pasportu və ABŞ-a mühacirət etməyi planlaşdırdığı haqda məlumat yayılıb.
Aynil
Sfera.az
