Seçki günü 6 nəfər öldü
Sentyabrın 26-da saat 08 radələrində Yardımlı rayonunun Ləzran kəndində
yol-nəqliyyat hadisəsi baş verib.
Sfera.az xəbər verir ki, Daxili İşlər Nazirliyinin mətbuat xidmətindənLent.az-averilən məlyumata görə, qəza zamanı rayon sakini Zakir Nəzərov idarə etdiyi "QAZ-53A” markalı avtomobili dərəyə aşırıb. Sürücü hadisə yerində ölüb.
Yardımlı RPŞ tərəfindən araşdırma aparılır.
Dünən saat 11 radələrində Beyləqan rayonunun Aşıqlı kəndində də qəza yaşanıb. Rayon sakini Elgün Allahverdiyev idarə etdiyi "Mercedes” markalı avtomobili yol ayırıcısına vurub və sonradan avtomobil aşıb. Nəticədə E.Allahverdiyevin sərnişinlərindən həmyerlisi Elvin Məmmədov hadisə yerində ölüb, özü və digər 1 sərnişini xəstəxanaya yerləşdirilib.
Beyləqan RPŞ tərəfindən araşdırma aparılır.
Bundan başqa, dünən saat 20 radələrində Kəpəz rayonunun Poçt qəsəbəsində
Gəncə şəhər sakini Elxan Əhmədov idarə etdiyi "VAZ-2107” markalı avtomobillə
yolu keçən Daşkəsən rayon sakini Vaqif Sadıqovu vurub. Xəstəxanaya
yerləşdirilmiş piyada orada dünyasını dəyişib.
Kəpəz RPİ tərəfindən araşdırma aparılır.
Sentyabrın 26-da saat 10 radələrində Abşeron rayonunun Ceyranbatan
qəsəbəsində də yol-nəqliyyat hadisəsi olub. Belə ki, Bakı şəhər sakini Asim
İbrahimov idarə etdiyi "Hyundai” markalı avtomobili yolun kənarındakı yol
ayırıcısına vurub. Nəticədə sürücü və 2 sərnişini xəstəxanaya yerləşdirilib,
onlardan Tural Ağazadə orada ölüb.
Baş İstintaq və Təhqiqat İdarəsi tərəfindən araşdırma aparılır.
Dünən Sumqayıt şəhərində saat 16 radələrində baş verən yol-nəqliyyat
hadisəsi zamanı Bakı şəhər sakini Mehman Musayev idarə etdiyi "KİA” markalı
avtomobillə yolu keçən şəhər sakini 86 yaşlı Müseyib Vəliyevi vurub. Piyada
hadisə yerində ölüb.
Baş İstintaq və Təhqiqat İdarəsi tərəfindən araşdırma aparılır.
Sentyabrın 26-da saat 18 radələrində Binəqədi qəsəbəsində də qəza olub.
Abşeron rayon sakini Elmir Gülmalıyev idarə etdiyi "Ford” markalı avtomobillə
yolu keçən Bakı şəhər sakinləri Ağaşirin Məlikovu və Kəmalə Quliyevanı vurub.
K.Quliyeva xəstəxanaya aparılarkən yolda ölüb.
Qeyd edək ki, faktla bağlı Binəqədi RPİ tərəfindən araşdırma aparılır.
