Taylandın şimalında kiçik bir Buddist məbədi narkotik sınaqdan keçirildikdən sonra rahiblərsiz qalıb. Testlər məbədin abbatı da daxil olmaqla dörd rahibin metamfetamindən istifadə etdiyini göstərib.

Sfera.az “BBC AFP” istinadən bildirir ki, hadisə Tailandın şimalında Phetchabun əyalətindəki məbəddə baş verib. Hazırda rahiblərin narkomaniyadan reabilitasiya üçün klinikaya göndərildiyi məlum olub.

Jurnalistlərin fikrincə, Taylandda narkotik sınaqları qanunsuz maddələrin qanunsuz dövriyyəsi ilə mübarizə üzrə geniş kampaniya fonunda həyata keçirilir. Noyabrın 28-i bazar ertəsi polis sidik testi keçirdikdən sonra rahiblər məbəddən qovulublar və nəticədə dörd nəfərin hamısının metamfetamin istifadə etdiyi məlum olub. Eyni zamanda məbəddə rahiblərin olmaması səbəbindən hər hansı ayinlərin icrası dayandırılıb. Regional hakimiyyət yerli monastırın rəhbərindən kömək istəyib. Monastr rəhbəri bölgədəki məbədə bir neçə yeni rahib təyin edəcəyini vəd edib.

Qeyd edək ki, Birləşmiş Millətlər Təşkilatının Narkotiklər və Cinayətkarlıq İdarəsinin məlumatına görə, metamfetamin son illərdə Taylandda böyük problemə çevrilib. Narkotikin ələ keçirilməsi 2021-ci ildə rekord həddə çatıb. Ölkə metamfetamin üçün əsas tranzit nöqtəsidir. Narkotiklər dünyanın ən böyük metamfetamin istehsal edən dövləti olan Myanmadan Laosdan keçir.

Daha sonra maddə tablet şəklində küçələrdə təxminən 50 baha (valyuta məzənnəsi ilə təqribi 2,5 azn) satılır. Xatırladaq ki, oktyabr ayında metamfetamin saxladığına görə qovulan keçmiş polis məmurunun uşaq bağçasında atışmada 37 nəfəri öldürməsindən sonra Tailandın baş naziri Prayut Çan-o-ça narkotik qadağası barədə göstəriş verib. Qurbanlar arasında 20-dən çox uşaq olub. Vəziyyət o qədər kritikdir ki, ötən ilki araşdırmalar balıqlar və çayların digər sakinlərinin də narkotiklə çirklənmiş su anbarlarında metamfetaminə “qurşandığını” göstərib.

Aynil

Sfera.az