Putinlə İlham Əliyev arasında telefon danışığı oldu

Rusiya və Azərbaycan prezidentləri Vladimir Putinlə İlham Əliyev arasında bu həftə ikinci dəfə telefon danışığı olub.

Sfera.az xəbər verir ki, bu barədə Kremlin mətbuat xidməti məlumat yayıb.

Söhbət zamanı tərəflər Rusiya, Azərbaycan və Ermənistan rəhbərləri arasında üçtərəfli sazişləri müzakirə ediblər.

“Rusiya, Azərbaycan və Ermənistan liderləri arasında regionda nəqliyyat və iqtisadi əlaqələrin bloklanmasının praktiki problemləri vurğulanaraq, üçtərəfli sazişlərdə yer alan istiqamətlər üzrə növbəti addımlar nəzərdən keçirilib”, - məlumatda bildirilib.

Qeyd edək ki, Putinlə Əliyev arasında əvvəlki söhbət noyabrın 22-də olub. Azərbaycan-Ermənistan sərhədində təhlükəsizliyin təmin edilməsi və Cənubi Qafqazda nəqliyyat əlaqələrinin bərpası istiqamətində Ermənistanla üçtərəfli sazişlərin icrası müzakirə edilib. Ertəsi gün, noyabrın 23-də Putin İrəvanda Ermənistanın baş naziri Nikol Paşinyanla görüşüb.

Əzizə Zeynal