ABŞ-ın 45-ci prezidenti Donald Trampın qızı, 41 yaşlı İvanka Tramp ona heç bir din, irqin yad olmadığını nümayiş etdirib.

Sfera.az bildirir ki, Misirdən tamamilə sadə fotolar paylaşan İvanka Tramp sosial media istifadəçilərinin rəğbətini qazanıb.

İvanka, həyat yoldaşı Jared Kuşner və onların övladları Cozef, Teodor və Arabella piramidaları ziyarət ediblər. Tarixi mənzərə fonunda dəvə üzərində şəkil çəkdirən İvanka çoxdankı istəyinə müqavimət göstərə bilmədiyini deyib. Onlar Luksorda olublar və Nil çayında qayıqla gəzintiyə çıxıblar.

Qeyd edək ki, Donald Trampın köməkçisi olan İvanka atasının siyasi ambisiyalarına deyil, övladlarına və ailəsinə prioritet vermək istədiyini bildirmişdi. İvanka seçki kampaniyasında atasına kömək etməyəcək.

Xatırladaq ki, Tramp 2024-cü ildə prezidentliyə namizəd olmaq istəyir. İvanka Misirdən sonra həyat yoldaşı və uşaqları ilə birlikdə Qətərdə keçirilən dünya çempionatına gedib.

Braziliyanın qələbəsi ilə başa çatan Braziliya - Serbiya matçını ailə bərabər izləyib.

Cütlük korporativ məkanlarında Yaxın Şərq iş adamları və siyasətçiləri ilə ünsiyyətdə olublar. İvanka Qətərin Baş naziri Xalid bin Xəlifə Əbdüləziz əl Tani ilə söhbət edərkən də görüntülənib.

Aynil

Sfera.az