2022-2023 qış üçün moda trendləri - FOTOLAR 

Soyuq günlərdə sizi isti saxlayan, eyni zamanda son trendlərə uyğun isti və dəbli sviterlər qış qarderobunun əvəzolunmaz əşyasıdır. Bu gün mağazalarda hər zövqə, üsluba, rəngə və pul kisəsinə uyğun bol-bol sviter seçimi var.

Sfera.az seçimə kömək etmək üçün sizə stilistlərin ən son tendensiyaları təqdim edir. Onu da qeyd edək ki, ötən illərdəki trendlərlərə bu qış arasında elə də mühüm fərqlər nəzərə çarpmır.

Böyük ölçülü (oversize) sviterlər

Müxtəlif hörgülü tərzlərin gen-bol dizaynla kombini idealdır. Bu modellər həm çox eleqant görünür, həm çəki komplexini - istər arıq, istərsə dolu, məharətlə saxlamağa kömək edir, qüsurlarını gizlətməyə imkan verir. Bu mövsüm geniş qollu, qolları dəmir aksessuar və ya zəncir, asimmetrik trikotajlı, naxışlı və kəsikli, hündür yaxalı və yaxasız sviterlər dəbdir. Bu sviteri ətəklər, cins şalvarlarla geyinmək və hətta bütöv paltarın üstünə də geyinmək olar.

Sviter paltar

Bir sviter paltarı yaxşı fiqurlu özünə güvənən qızlar üçün idealdır. Bu, incə ayaqları vurğulamağa imkan verir və kəmərin köməyi ilə belinizi də vurğulayır. Dizdən yuxarı daban çəkmələrlə ideal görünür və ofis işi looka mükəmməl uyğunlaşır. Seçimlərə və kombinlər isə çox genişdir. Sintetikanın əlavə edilməsi ilə tiftik, süni iplik, təbii iplikdən hazırlanmış məhsul ola bilər. Eyni şey naxışa da aiddir: adi corab hörgüsündən başlayaraq mürəkkəb xətlərə qədər seçim davam edir.

Sviter paltar demək olar ki, istənilən çəkiyə uyğun olacaq şəkildə seçilə bilər. Dolu xanımlar isə öz ölçüsündən bir ölçü böyük seçimdə dayana bilər.

Krop sviter

Kəsilmiş sviterlər payız-qış dövründə praktikliyinə görə o qədər də tövsiyə edilməməsinə baxmayaraq, bir neçə mövsüm ardıcıl olaraq modadan çıxmır. 2022-2023-cü illərin qışı da istisna deyil. Böyük və kiçik trikotaj, müxtəlif rənglər və kombinlər, xüsusilə tələbə qızlar arasında hələ də çox populyardır. Dizaynlarına görə mədələr bir az çox ifşa edildiyinə görə bu krop sviterləri piy qatı olmayan bədən quruluşlu xanımların seçməsi daha məsləhətdir. Bu sviterlər dar cins şalvarlar və ətəklərlə yaxşı görünür.

Onlar həmçinin çoxqatlı kombinin elementinə çevrilə bilərlər. Sonda qeyd edək ki, düzgün sviteri necə seçəcəyinizlə yanaşı, bədən ölçülərini xüsusilə nəzərə almağınız tövsiyə edilir.

Aynil

Sfera.az