ABŞ-da ən yaşlı əkizlər dünyaya gəlib - 30 il sonra
Embrionlar ilk dəfə dondurulan zaman atalarının cəmi beş yaşı vardı, 30 il sonra körpələr dünyaya gəlib.
Sfera.az xəbər verir ki, ABŞ-da dünyanın ən yaşlı əkizləri dünyaya gəlib. Mütəxəssislər Lidiya və Timoti Ridqveynin dünyanın ən uzun dondurulmuş embrionları olduğunu bildirib.
22 aprel 1992-ci ildə IVF istifadə edərək bir evli cütlük üçün embrionlar yaradılıb, maye azotda dondurulub və -196°C-də saxlanılıb.
Qeyd edək ki, IVF zamanı lazım olduğundan daha çox embrion əldə edilə bilər. Bu halda onlar elmə və ya uşaq istəyən cütlüklərə bağışlana bilərlər. Bu embrionlar Tennessi ştatının Knoxville şəhərindəki Milli Embrion Donorluq Mərkəzinə bağışlanıb.
Yeri gəlmişkən, cütlüyün artıq 10 yaşından kiçik dörd uşağı var. Valideynlər 4 uşaqdan sonra övlad sahibi olmaq istədiklərini düşünmədiklərini, lakin Lidiya və Timoteyin doğulmasını heyrətamiz bir şey hesab etdiklərini söyləyib. Filipin dediyinə görə, o və həyat yoldaşı bu əkizləri əldə etmək arzusunda olmayıb, sadəcə olaraq, ən çox gözləyən embrionlardan istifadə etmək istəyiblər. "Ən yaşlı" uşaqlar üçün əvvəlki rekord 26 oktyabr 2020-ci ildə anadan olmuş Molli Everett Gibson olub.
Bu embrion 28 il dondurulub.
Qeyd edək ki, embrionlar qeyri-müəyyən müddətə dondurula bilər, lakin əridikdən sonra onların sağ qalma nisbəti təxminən 80% təşkil edir. Embrionların yalnız bir hissəsi köçürüldükdən sonra diri doğula bilir. Lidiya və Timoteyin vəziyyətində həkimlər beş embrionu əridib. Bu embirionlardan üçü kifayət qədər canlı olub, nəticədə cütlük əkiz uşaq sahibi olub.
Aynil
Sfera.az
