Məşhur Hollivud aktrisası Lindsay Lohan, İstanbul səfərinin bir hissəsini Suriyalı qaçqınlara ayırıb.

Sfera.az xəbər verir ki, Lohan, Boğaziçi Qlobal Əlaqələr Mərkəzi Koordinasiya ilə Gənclər və İdman Nazirinin Müavini Əbdürrəhim Boynuqalın ilə bərabər Türkiyənin Sultanbəylidəki Suriyalı qaçqın ailələrini ziyarət edib, onlara hədiyyələr verib.

Həmçinin Lohan Sultanbəyli Bələdiyyəsi nəzdində xidmət edən və yalnız Suriyalı həkimlərin qaçqınlara baxdığı Səhiyyə Xidmətləri Mərkəzi ilə də tanış olub.

Məşhur ulduzun instagram və twitter hesabından qaçqın ailələrlə yaşadıqlarını izah etdiyi paylaşım bölgüsündə "Dünya beşdən böyükdür" şüarına da yer verməsi diqqət çəkib.