Leonardo Di Kaprio ən yaşlı sevgilisi ilə oteldə görüntüləndi - FOTO
Dünyaca məşhur Hollivud ulduzu, 47 yaşlı Leonardo Di Kaprio Paris Moda Həftəsi üçün 27 yaşlı məşhur model Gigi Hadidin qaldığı oteldən çıxarkən görüntülənib.
Qeyd edək ki, Di Kaprio 25 yaşından yuxarı heç bir qadınla görüşməməsi ilə diqqət çəkib. Bu yaş həddi daim media və sosial şəbəkə istifadəçilərinin zarafat obyekti olub. Məşhur model Gigi Hadid Paris Mode Week üçün getdiyi Fransada gecəsi 1300 funt-sterlinq olan “Hotel Le Royal Monceau”da qalıb. Son zamanlar adları birlikdə hallanmağa başlayan Hadid və Leonardo Di Kaprio eyni oteldən ayrı-ayrılıqda çıxarkən görüntülənib.
Adətən yaşı 25-dən yuxarı heç bir qadınla sevgili olmayan Di Kaprio üçün 27 yaşlı və uşaq sahibi Hadid hələ ki Kaprionun sevgilisi olan yeganə addır.
Qeyd edək ki, Di Kaprio və Hadid ilk dəfə sentyabrın 10-da Nyu-Yorkda əyləncə gecəsində birlikdə görüntüləniblər. Cütlük münasibət açıqlaması verməsə də, bu görüntülər dünya gündəminə düşüb. Hadid 25 yaşdan yuxarı olmaqla yanaşı, digər cəhətlərdən də Di Kaprio üçün bir ilkdir. Oktyabr ayında ayrıldığı müğənni Zayn Malikdən Khai adlı övladı olan model karyerasının yüksəlişini yaşayır. Bu yaxınlarda özünün "Goman in Residence" adlı geyim markasını da istifadəyə verib. Di Kaprio isə bu yaxınlarda model Camila Morrone ilə dörd illik münasibətinə son qoyub. Onların nə vaxt və niyə ayrıldıqları bilinməsə də, ayrılığın Morronun 25 yaşına çatdıqdan qısa müddət sonra baş verməsi internet istifadəçilərinin səbəbin yaş olduğunu düşünməsinə səbəb olub.
74-cü Emmy mükafatlandırma mərasimində Di Kaprionun yaş qaydası ilə bağlı zarafatı gecədə iz buraxıb.
Mükafatlandırma mərasiminin aparıcısı Kənan Tompson mükafatı qazanan Zendaya zəng edərək zarafat edib: "Zendanın keçən həftə 26 yaşı tamam oldu. 26 Hollivudda qəribə yaşdır. Orta məktəb şagirdi rolunu oynayacaq qədər gəncsən, amma Leonardo Di Kaprio ilə görüşmək üçün çox qocalmısan”.
Aynil
Sfera.az
