2023-cü ilin yanvarında Rusiyada ümumi səfərbərlik başlanacaq. 

Sfera.az UNİAN-a istinadən xəbər verir ki, bu iddia ilə ukraynalı hərbi ekspert Denis Popoviç çıxış edib.

Popoviç hesab edir ki, Rusiyada dekabr və ya yanvar aylarında yeni səfərbərlik planlaşdırılır və bu, qismən yox, ümumi xarakter daşıyacaq.

Hərbi ekspertin məlumatına görə, Rusiya vətəndaşları hələ də çağırış vərəqələri alır:

“Rusiya Prezidentinin səfərbərliyin dayandırılması ilə bağlı heç bir fərmanı yoxdur. Sadəcə olaraq, səfərbərliyin dayandırıldığı barədə bəyanatı var idi. Hərbi komissarlıqlar üçün bu, səfərbərliyin dayandırılması üçün əsas deyil, ona görə də, onlar çağırış vərəqələri paylamaqda davam edirlər. Rusiya çağırış prosesini gücləndirmək istəyir. Bu, cəbhələrdəki itkilərlə bağlıdır. Rusiyanın itkiləri əhəmiyyətli dərəcədə çoxdur. Ona görə də, Rusiyada səfərbərliyin sürətlənəcəyinə şübhə yoxdur”.

Xatırladaq ki, itkilərin artmasından sonra sentyabrın 21-də Putin Rusiyada qismən səfərbərlik elan edib. Ancaq bir ay sonra prezident səfərbərliyin başa çatdığını bildirib. 

Rusiya mediasının əldə etdiyi məlumata əsasən, qismən səfərbərlik zamanı 300 min insanın xidmətə cəlb edilməsi nəzərdə tutulsa da, əslində 492 min nəfər xidmətə çağrılıb.

Səfərbər olunanlar silahlarla ilkin təlimdən sonra cəbhənin ən qaynar nöqtələrinə göndərilir. Bu səbəbdən ehtiyatda olanlar arasında ruh düşgünlüyü var və hərbi xidmətə getmək istəyənlər çox azdır. 

Vasif