Qəzada həlak olan məşhur rok ulduzu haqqında film izləyicilərə təqdim edildi - FOTO

 2007-ci ildə keçirdiyi avtomobil qəzası nəticəsində həyatını itirən əfsanəvi və sevilən rok ulduzu Barış Akarsunun həyatı haqqında “Barış Akarsu Salam” filmi izləyicilərə təqdim olunub.

Sfera.az bildirir ki, filmin mətbuat konfransı Akarsunun atası Səlahəddin və bacısı Nesrinin iştirakı ilə baş tutub.

Sənətçinin illər əvvəl yazıb tamamlaya bilmədiyi “Salam” mahnısı ilk dəfə öz səsindən lentə alındığı şəkildə təqdim edilib. Mahnının davamını isə Barış rolunu canlandıran aktyor İsmail Ege Şaşmaz yeni redaktə olunmuş versiyada ifa edib.

İsmail Ege Şamazın Barış Akarsuya çox bənzərliyi diqqət çəkib. Təqdimat zamanı duyğulu anlar yaşanıb. Barışın atası Selahaddin Akarsu İsmail Ege Şamazı mənəvi oğlu olaraq gördüyünü bildirib:

“İnsanlar oğlumu yenidən sevirlər və daha yaxşı tanıyacaqlar. Ege artıq mənim də oğlumdur. O, mənim mənəvi oğlum oldu”.

İsmail Ege Şaşmaz Barışa bənzəmək özündə kiçik dəyişikliklər edildiyini bildirib: “Çətinlik çəkəndə gözlərimi yumub “Haydi, Barış”dedim. Amasrada məni görənlər “Sən
“Barışsan deyirdilər. Əhval-ruhiyyəyə görə, otel otağında ağladığım vaxtlar olub”.

Noyabrın 8-dən radio, televiziya və rəqəmsal platformalarda səsləndirilən “Salam” mahnısından əldə edilmiş gəlir Barış Akarsunun sağ olduğu dövrdə etdiyi kimi qan xərçəngi ilə mübarizə aparan uşaqlar vəqfinə (LÖSEV) bağışlanacaq.

Aynil