29 körpə qızı mumiyalayaraq saxlayan rusiyalı - Həbsdən azad oluna bilər

İllər əvvəl bütün dünyanı şoka salan Rusiyanın Nijni Novqorod şəhərində yaşayan, 55 yaşlı tarixçi Anatoli Moskvinin adı çoxlarına tanışdır.
 

Onun 3-12 yaşlı qızların cəsədlərini kukla hazırlamaq üçün mumiyaladığı üzə çıxdıqdan sonra həbs edilmişdi. Lakin o, mühakimə olunmaq üçün əqli cəhətdən yararsız hesab edilərək psixiatriya klinikasına göndərilib.
 

Sfera.az xəbər verir ki, Anatoli Moskvin bir müddət əvvəl yenə gündəmə gəlib.
 

Onun vəkilləri bir neçə illik müalicədən sonra Moskvinin hazırda ambulator müalicə almaq üçün kifayət qədər yaxşı olduğunu və Moskvaya köçüb evlənmək istədiyini açıqlayıb. Həmçinin 13 dil öyrənərək o, kitab yazmağı və dil müəllimi kimi işə düzəlməyi planlaşdırır.
 

Həbs olunana qədər heç vaxt sevgilisi olmadığı bildirilən Moskvin həbs olunduqdan sonra dil öyrədən müəlliməsi ilə dostluq edib. Lakin Leninski Rayon Məhkəməsi Moskvin ambulator müalicə alana qədər bu dostluğu nikaha daxil edə bilməyəcəyini bəyan edib.
 

Bir neçə il əvvəl polis daxil olan xəbərdən sonra onun evinin ətrafına qoyulmuş və gəlincik kimi geyindirilmiş ölü qızların dəhşətli kolleksiyasını aşkar etmişdi.
 

Moskvin insan qalıqlarından mumiyalanmış körpələrin hazırlanması ilə bağlı qəribə mövzu haqqında internetdə araşdırma aparıb. Qorxunc kolleksiyada kiçik cəsədlərin hər biri haqqında ətraflı qeydlər olub.

Gecələr ölən qızların məzarlarını qazıb cəsədlərini çıxaran, evində onlara gəlincik geyindirib mumiyalayan 55 yaşlı Anatoli Moskvinin sərbəst buraxıla biləcəyi də açıqlanıb. Moskvinin evində axtarış zamanı 29 uşaq meyiti tapılmışdı.

Yüksək təlim keçmiş bu meyit oğrusu ölü qurbanlarının hər birinin doğum gününü yataq otağında qorxunc ayinlərlə qeyd edirdi.
 

İndiyədək məhkəmə Moskvinin azadlığa buraxılmasını rədd etmişdi, lakin psixiatrlar onu xəstəxanada saxlamaq üçün artıq tibbi səbəbin olmadığını bildiriblər.

Ölən uşaqların ailələri Anatoli Moskvinin köhnə vərdişinə qayıdacağından qorxaraq ömrünün sonunadək həbsxanada qalmasını istəyirlər. Çünki Moskvin 10 il idi ki, meyitlərlə birgə yaşamışdı.

Lakin Moskvinlə bağlı bir çox ekspert hesabatlarında onun xəstəxanada deyil, dostları, qohumları və ya kilidli saxlanmayacağı qocalar evində qala biləcəyini bildirir.
 

Xatırladaq ki, Moskvin körpə qurbanların ailələrindən üzr istəməkdən də imtina etmişdi.

Xanım