Putin G20-yə getməkdən İMTİNA ETDİ 

Rusiya Prezidenti Vladimir Putin Balidə keçiriləcək G20 sammitində iştirak etməyəcək.

Sfera.az bildirir ki, bu barədə “Reuters” agentliyi İndoneziya hökumətinin sözçüsünə istinadən məlumat yayıb.

Qeyd olunub ki, Rusiya lideri qarşıdakı sammit görüşünün sessiyalarından birində onlayn iştirak edə bilər. Həmçinin agentliyin məlumatında Rusiyanın xarici işlər naziri Sergey Lavrovun Bali adasına gələcəyi iddia olunub. Kreml isə hələlik bu məlumatı təsdiqləməyib.

Rusiyanın İndoneziyadakı səfirliyinin mətbuat attaşesi Aleksandr Tumaykin isə “RİA Novosti”yə açıqlamasında G20 sammitində Rusiya nümayəndə heyətinə xarici işlər naziri Sergey Lavrovun başçılıq edəcəyini deyib. Onun sözlərinə görə, prezident Vladimir Putin onlayn formatda sammitdə iştirak edə bilər.

Qeyd edək ki, Kreml bu həftənin sonuna qədər Putinin G20 sammitində şəxsən iştirak edib-etməyəcəyi barədə açıqlama yayacağını vəd edib. Ukrayna lideri Zelenski isə daha əvvəl Putinin iştirak edəcəyi təqdirdə sammitə qoşulmayacağını bildirib. Sammit 15-16 noyabrda Bali adasında keçiriləcək. 

Günay Rəsulqızı,

Sfera.az