“Əliyev yaxşı bilir ki, buna getmək olmaz" - Vazgen Manukyan

Qondarma “Qarabağ” komitəsinin üzvü Vazgen Manukyan Rusiya mətbuatına müsahibə verib.

Sfera.az xəbər verir ki, V.Manukyan 2018-ci ildə Ermənistanın baş naziri Nikol Paşinyanın sülhə təhrik edildiyini deyib:

"Ötən il seçki ərəfəsində Paşinyanın gizli səsyazısı yayılmışdı. Nikol bildirirdi ki, 2018-ci il mayın 12-də Soçidə olarkən sessiyadan sonra qəhvə fasiləsi zamanı Rusiya Prezidenti Vladimir Putin, Qazaxıstan Prezidenti Nursultan Nazarbayev, Belarus Prezidenti Aleksandr Lukaşenko ona yaxınlaşılb. Onlar deyib ki, Paşinyana xalqın böyük etimadı var və bu, Qarabağ məsələsini həll etmək baxımından onun üçün tarixi şansdır".

V.Manukyan rus sülhməramlılarının Qarabağdakı mövcudluq məsələsinə də toxunub:

"Rusiyanın Qarabağda mövcudluğu Qarabağın müstəqilliyini de-fakto təmin edəcək, hüquqi cəhətdən yox. Azərbaycan heç vaxt Qarabağın müstəqilliyini qəbul etməyib. Əliyev yaxşı bilir ki, buna getmək olmaz".

Əzizə Zeynal