Şimali Koreyadan ABŞ-ın iddialarına CAVAB: “Belə bir planımız yoxdur”
Şimali Koreya ABŞ-ın iddialarına cavab verib.
Sfera.az bildirir ki, ABŞ Milli Təhlükəsizlik Şurasının sözçüsü Con Kirbinin “Şimali Koreya gizli şəkildə Rusiyaya çoxlu sayda artilleriya mərmisi verib” açıqlamasına qarşı tərəfin reaksiyası gecikməyib. Belə ki, Şimali Koreyanın Milli Müdafiə Nazirliyinin rəsmisi dövlətin nəzarətində olan Koreya Mərkəzi Xəbər Agentliyinə (KCNA) danışarkən sözügedən informasiyanı “əssasız şayiə” adlandırıb.
“Biz ABŞ-ın bu cür hərəkətlərini Şimali Koreyanın beynəlxalq arenada imicini ləkələmək üçün düşmən cəhdlərinin bir hissəsi kimi qiymətləndiririk. Bir daha təkrar edirik ki, Rusiya ilə heç vaxt silah mübadiləsi aparmamışıq və gələcək üçün də belə bir planımız yoxdur”, deyə bəyanatda bildirilib.
Günay Rəsulqızı
