Hersoq Henri və şahzadə Mariya Teresanın qızı, 31 yaşlı Lüksemburq şahzadəsi Aleksandra 33 yaşlı Nikolas Baqori ilə evlənir.
 

Sfera.az xarici mətbuata istinadən bildirir ki, nişan elanı Böyük Hersoq məhkəməsi tərəfindən dərc edilib. Toyun 2023-cü ilin yazında baş tutacağı bildirilib.
 

Fotoda Alexandra yasəmən üst paltarında kvadrat dekolteli blazerlə pozalar verir. Şahzadənin sol əlində brilyant qaşlı qızıl üzük görünür. O, platin sarısı saçlarını vurğulayan tünd mavi kostyum geyinmiş bəyi qucaqlayır.


Görüntü sosial mediada yayımlandıqdan sonra pərəstişkarlar təbriklərini paylaşıb.
 

Nişanlısı Nikolas Baqori Fransanın şimal-qərbindəki Brittani bölgəsində anadan olub və orada böyüyüb. Politologiya üzrə təhsil alıb, hazırda sosial və mədəni layihələrin yaradılması ilə məşğuldur.
 

Qeyd edək ki, Şahzadə Aleksandra kral ailəsinin dörd övladından biridir. Onun üç qardaşı var: 40 yaşlı şahzadə Guillaume, Lüksemburq vəliəhdi Böyük Hersoq, 36 yaşlı şahzadə Lui və 30 yaşlı şahzadə Sebastyan.
 

Ortancıl Şahzadə Lui fransız vəkil Scarlett-Lauren Sirgue ilə nişanlandığını elan etmiş ailənin sonuncu subay üzvü idi. Lakin bu ilin əvvəlində o, toyu ləğv edib. Keçmiş cütlük ayrıldıqlarını Fransız mətbuatına təsdiqləyərək, dost olaraq qalmağı planlaşdırdıqlarını bildiriblər. Onların ayrılmasına nəyin səbəb olduğu dəqiq məlum deyil.
 

Şahzadə Aleksandraya gəldikdə isə o, Lüksemburq Universitetində ədəbiyyat, tarix və fəlsəfə təhsili alıb. Beş dildə (Lüksemburq, Fransız, İngilis, Alman və İspan) danışır, at sürməyi, tennis və su xizəyi sürməyi sevir. Şahzadə Avropanın ən elit tennis kortlarının ziyarətçisi kimi də tanınır və hər kəs tərəfindən səmimi, sadə, təvazökarlığına görə sevilir.


Xatırladaq ki, Belçika şahzadəsi Mariya Laura da bu ilin sentyabrında Britaniya-Fransız əsilli bankir Uilyam İzvi ilə ailə qurub.

Aysel