Türkiyədə partlayış: yaralılar var 

Türkiyədə növbəti dəfə mədən partlayışı baş verib.

Sfera.az xəbər verir ki, hadisə Zonquldaq əyalətinin Kilimli rayonunda qeydə alınıb.

Məlumata görə, daş kömür mədənində baş verən partlayışda 4 işçi yaralanıb. Yaralılar xəstəxanaya aparılıb. Onlardan ikisinin vəziyyətinin ağır olduğu bildirilir.

Hadisə yerinə xilasetmə qrupu, polis, tibb işçiləri, Fövqəladə Halların İdarə Olunması Agentliyi (AFAD) əməkdaşları cəlb olunub.

Partlayışın başvermə səbəbi hələlik məlum deyil.