İspaniya kraliçasının cırıq ətəyi gündəm oldu - 112 dollar qiyməti var

İspaniya Kraliçası Letisiya dünən Novarra Film Festivalında iştirak edib. İctimaiyyətin sevimlisi Kraliça Letisiya olduqca qəribə yubka geyinib və bu sosial şəbəkələrdə tənqid dalğasına səbəb olub.
 

Sfera.az xəbər verir ki, o, H&M brendinin 112 dollar qiymətində Vichy damalı yubkasını geyinib. Yüngül büzməli klassik dizaynlı model üzərində oval şəklində kəsik hər kəsin çaşqınlığına səbəb olub.
 

Təxminən 15 sm diametrli kəsik qəribə görünüb və kral ailə üzvünün bu görüntüsü mübahisələrə səbəb olub. Letizia yubkanı qara bluz, klassik çanta və üç üzük formasında sırğalar ilə tamamlayıb.
 

Qeyd edək ki, ötən günlərdə də Letisiyaya qarşı tənqidlər səsləndirilmişdi. Bir həftə əvvəl o, çıxışı üçün arxası tamamilə çılpaq bir paltar seçərək səs-küy yaratmışdı..
 

İspan kraliçasının qarderobunun nisbətən aşağı büdcə hesab edilməsinə baxmayaraq (Kate Middleton və ya Kraliça Rania ilə müqayisədə), onun çıxışlarının müzakirə mövzusu olması üçün çox səbəblər var.
 

Sosial şəbəkə istifadəçiləri Letizianın istənilən halda cazibədat göründüyünü bildirib. Qəribə dekolteli yubka belə onun incə belini, zərif ayaqlarını gizlədə bilməyib.

Aynil