“Gələn bazar günü prezident seçkiləri keçirilsəydi...” – Ərdoğan sorğuda uduzdu
“Türkiyə siyasəti paneli 2022” sorğu nəticələrini açıqlayıb.
Sfera.az xəbər verir ki, araşdırmaya 27 vilayətdən 2 min 400 adam qatılıb. “Türkiyə necə idarə olunur?” sualına iştrakçıların 58,9 faizi “zəif idarə olunur” cavabını verib.
Nəticələr belə düşünməyə əsas verir ki, qarşıdan gələn prezident seçkisi ikinci tura keçərsə, Türkiyə Prezidenti Rəcəb Tayyib Ərdoğan müxalifətdən olan mümkün rəqibləri Kamal Kılıçdaroğlu, Əkrəm İmamoğlu və Mənsur Yavaşa uduza bilər.
“Gələn bazar günü prezident seçkiləri keçirilsəydi, Ərdoğana, yoxsa müxalifətin namizədinə səs verərdiniz?” sualına vətəndaşların 51,4 faizi “müxalifətin namizədinə səs verərdim”, 35,8 faizi isə “Ərdoğana səs verərdim” deyib. 9,8 faiz sorğu iştirakçısı isə “qərarsız” olduğunu, 3 faiz “səs verməzdim” cavabını verib.
Qeyd edək ki, Türkiyədə 2023-cü ilin iyun ayında növbəti prezident seçkiləri keçiriləcək.
Sevinc Nəsirli
