Anasını öldürüb meyitin fotosunu votsapla atasına göndərən Samir niyə HƏBS EDİLMƏDİ?
Bakı Ağır Cinayətlər Məhkəməsində ötən ilin dekbarın 23-də anasını boğaz nahiyəsindən bıçaqlayaraq öldürən 1989-cu il təvəllüdlü Samir Cəfərov barəsində qərar qəbul edilib.
Sfera.az xəbər verir ki, məhkəmədə Samirin 2012-2013-cü illərdə bir il ərzində sərhəd qoşunlarında hərbi xidmətdə olduğu, hərbi xidmətdə olarkən təlim zamanı Zaqatalada avtoqəzaya düşdüyü və başından travma aldığı məlum olub. O 2016-cı ildə ruhi xəstəliklə bağlı 2 saylı Psixiatriya Xəstəxanasında stasionar müalicə almağa başlayıb və ona şizofreniya diaqnozu qoyulub. O, ruhi xəstəliyi ilə əlaqədar işdən azad olunub və psixotrop dərmanlar qəbul edib.
Samir xəstəliyinə görə sakit mühitdə olması üçün tək yaşasa da, mütəmadi olaraq ata evinə gedib-gəlib. O da bəlli olub ki, xəstəliyi şidddətləndiyi vaxtlarda Samir yalnız anasına qarşı aqressiv olub.
Atası məhkəmədə ifadəsində bildirib ki, cinayətlə bağlı məlumatı ona Samir özü verib:
“Votsapıma anasının qan içində uzanıb qaldığı fotonu göndərdi. Şəkilə baxdıqdan dərhal sonra sildim, fotonu saxlaya bilməzdim. Sonra Samir telefonla zəng edərək anasını bıçaqla qətlə yetirdiyini, polisdə olduğunu dedi. Samirə dedim ki, telefonu yanındakı polisə ver. Polis əməkdaşından Samirin şöbəyə gələrək anasını öldürdüyünü etiraf etdiyini öyrəndim. Hər il psixiatrik xəstəxanada stasionar müalicə alıb, “depakin” adlanan dərman qəbul edirdi.”
Məhkəmənin qərarına əsasən, Samir Cəfərovun barəsində ixtisaslaşdırılmış psixiatriya stasionarında intensiv müşahidə altında məcburi müalicə təyin edilib.
Nəzrin Cavadzadə
