Paşinyanın İran səfəri – O, Tehrandan nə istəyəcək?

Paşinyanın İran səfəri – O, Tehrandan nə istəyəcək?

Ermənistanın Baş naziri Nikol Paşinyan Soçi görüşündən dərhal sonra İrana işgüzar səfərə yollanıb. Baş nazir Tehranda İran Prezidenti İbrahim Rəisi ilə görüşəcək. Paşinyan İrana sonuncu dəfə 2021-ci ilin avqustunda səfər edib.

 

Paşinyanın bu səfərini necə dəyərləndirmək olar?

 

Mövzu ilə bağlı Sfera.az-a açıqlama verən Beynəlxalq Münasibətlər və Diplomatiya Araşdırmaları Mərkəzinin sədri Samir Hümbətov bunları deyib:

 

“Soçi səfərindən gözləntilərimiz demək olar, cüzi fərqlə reallaşdı. Səfərdən əvvəl bilirdik ki, nəticə dəyişməz olaraq qalacaq. Bilirsiniz, İran bir neçə gün öncə Ermənistanın Qafan rayonunda konsulluq açdı. İndi də Ermənistan Təbrizdə konsulluq açmaq istəyir. Eyni zamanda İran Ermənistanla birgə hərbi təlimlər keçirmək istəyini ifadə edib. Düşünürəm ki, bu məsələlər müzakirə ediləcək. Üstəlik, iqtisadi sahədə bəzi məsələlərin masada olacağı gözlənilir. İranla Ermənistan arasındakı şosse yolu normal vəziyyətdə deyil. Onlar hələ ki Azərbaycanın nəzarətində olan Gorus-Qafan yolundan da istifadə edirlər. Bütün bunlar hamısı ondan xəbər verir ki, bu iki ölkə arasında kifayət qədər həll edilməli problemlər var”.

 

Müsahibimiz bildirib ki, İran özünü regional aktor kimi göstərməyə çalışır:

 

“İran bu və ya digər formada Ermənistana dəstəyini açıq şəkildə ifadə edir. Fikrimcə, İran səfərində üç istiqamət əsas müzakirə mövzusu olacaq: siyasi, iqtisadi və təhlükəsizlik sahəsi. Hər halda Nikol Rusiyadan alacağını aldı. Yəni Rusiya Paşinyana bundan artıq nəsə verəsi deyildi. Ona görə indi yeni manevr etmək istəyir və bunu da İran üzərindən reallaşdırmaq fikri var. Bunu nə qədər bacarıb-bacarmayacağını isə zaman göstərəcək. Amma hadisələrin gedişindən, tarixə söykənərək deyə bilərik ki, Paşinyanın İran səfəri də onun vəziyyətdən çıxışına imkan verməyəcək. Heç İranın özündə də vəziyyət yaxşı deyil. Nəticənin dəyişməsi gözlənilmir”.

 

Günay Rəsulqızı


OXŞAR XƏBƏRLƏR

Biznes klassda üç yaşlı uşağa bir qədəh şərab verildi: Aviaşirkət qalmaqalın mərkəzində

Aprelin 24-də “Cathay Pacific” reysinin göyərtəsində azyaşlı sərnişinə spirtli içki verilməsi ilə bağlı insident baş verib. Uşaq stəkanın içində su ...

Cennifer Enistonun 2 il ardıcıl təqib edən adamın məhkəməsi başladı - FOTO

Bu həftə Hollivud aktrisası Cennifer Enistonun evinin darvazalarına avtomobili ilə çırpılan Missisipi ştatından olan 48 yaşlı Cimmi Ueyn Karvil mühakimə olunaca...

Məşhur batmış yaxtanı qaldırmağa çalışan dalğıc öldü

2024-cü ilin avqustunda Siciliya yaxınlığında fırtına zamanı “Bayesian” super yaxtası batıb. Milyarder Mayk Linçin özü də daxil olmaqla 7 nəfər ölmü...

Prezidentdən Heydər Əliyevlə bağlı paylaşım - FOTO

Prezident İlham Əliyev Ulu Öndər Heydər Əliyevin anadan olmasının 102-ci ildönümü ilə əlaqədar sosial media hesablarında paylaşım edib.   Sfera....

Heydər Əliyevin anadan olmasının 102-ci ildönümüdür

Bu gün Azərbaycanın Ümummilli Lideri Heydər Əliyevin doğum günüdür.   Sfera.az xəbər verir ki, Heydər Əliyevin anadan olmasının 102-ci ildönümüdür. ...

Olimpiya məşəli bu tarixdə alovlandırılacaq

2026-cı il Qış Olimpiya Oyunlarının məşəli 2025-ci il noyabrın 26-da Yunanıstanın qədim Olimpiya şəhərində alovlandırılacaq.   Sfera.az xəbər ve...