İngiltərə kraliçası Elizabet ölümündən əvvəl kral ailəsinin iki mübahisəli adı Şahzadə Harri və Endryunun hakimiyyət yollarını kəsmək üçün qanun layihəsini təsdiqləyib.

Sfera.az “Dailymail” qəzetinə istinadən bildirir ki, Kral Çarlzın Şahzadə Harri və Endryuya vərəsəlik verməsinə mane olmaq üçün təklif planı hazırlanıb.

Parlamentə müzakirəyə çıxarılması gözlənilən təklifə görə kralı əvəz edəcək şəxslərin siyahısı hazırlanacaq. Çarlz Şahzadə Harri və Şahzadə Endryu əvəzinə digər iki qardaşı Enn və Edvardı seçə biləcək.

Sözügedən təklif Britaniya mətbuatında geniş əks-səda doğurub. Bir çoxları təklifin artıq aylardır masada olduğunu və Kraliçanın təsdiq etdiyini yazıb.


Kral ailəsinin üzvü , York hersoqu Şahzadə Endryu cinsi zorakılıq iddialarına görə kral titullarından məhrum edilib.

Mətbuatın yazdığına əsasən Şahzadə Endryu onu seksual zorakılıqda günahlandıran Virciniya Giuffrenin təsis etdiyi fonda böyük məbləğdə ianə təklif edib.
Xatırladaq ki, bu fond cinsi zorakılıq qurbanlarına kömək etmək məqsədilə yaradılıb.

Şahzadə Harri isə evliliyinə görə ailəsinin narazılığı ilə qarşılaşmışdı. Harry həyat yoldaşı ilə birlikdə ABŞ-da məskunlaşıb və bütün titullarından imtina edib. Harri İngiltərədə “kral ailəsinin üz qarası" adlandırılmışdı.

Aynil