Çay və Qəhvəni bu formada içməyin

Çay və qəhvə kimi isti içkilər içməyi sevənlərə üçün pis xəbərimiz var.
 

Sfera.az xarici elmi nəşrlərə istinadən bildirir ki, isti içkiləri tüstüsü üzərindən çəkilmədən içmək qida borusu xərçəngi riskini artırır.
 

Araşdırmalar sübutn edir ki, isti içkilər xərçəng riskini artıra bilər. İstər bitki çaylarına, istərsə də bir fincan qəhvəyə üstünlük verməyinizdən asılı olmayaraq, içkinin temperaturuna diqqət yetirmək lazımdır.

Mütəxəssislər çox isti içkilərin tez-tez qəbulunun çox zərərli olduğunu bildirirlər.

Özofagus xərçəngi nədir?
 

Özofagus xərçəngi qida borusunun hər hansı bir yerində hüceyrələrin anormal böyüməsi kimi xarakterizə edilir. Temperatur 50 dərəcədən yuxarı olan hər hansı bir şey dərini yandıraraq zədələyə bilər. 70 dərəcədən yuxarı bir temperaturla təmas isə dərhal yandırır. Demək olar ki, 100 dərəcəli qəhvə dəridə və xüsusilə yemək borusunu əhatə edən həssas hüceyrələrdə ciddi yanıqlara səbəb olacaq qədər isti olur.
 

Aparılan araşdırmada isti içkilərin bu xərçəng riskini demək olar ki, üç dəfə artırdığı sübut edilib. Mütəxəssislər müntəzəm olaraq qəhvə və çay içənlərdə qida borusu xərçəngi riskinin 2,8 dəfə artdıq olduğunu vurğulayırlar. İsti və ya çox isti qəhvə içənlərdə yemək borusu xərçəngi riski müvafiq olaraq 5,5 və 4,1 dəfə artıq olur.

Türkan