Əriyən Tibet buzlaqlarında 15 min illik qədim viruslar tapıldı - Yeni epidemiyalar yayılacaqmı?

Ohayo Dövlət Universiteti və Lourens Berkli Milli Laboratoriyasının bir qrup mütəxəssisi Tibetdəki buzlaqlardan götürülmüş nümunələrdə virusların qədim formalarını aşkar ediblər.
 

Sfera.az xarici elmi nəşrlərə istinadən bildirir ki, 1992-ci ildə tədqiqatçılar qrupu Tibet yaylasındakı buzlaqdan nümunələr toplayıb. Bu buz təbəqəsinin 15.000 yaşında olduğunu aşkar edilmişdi. Tapıntının nümunələri sonrakı araşdırmalar üçün saxlanılırdı. Daha sonra həmin qrup eyni buzlaq təbəqəsindən yenidən nümunələr götürüb. 2015-ci ildə götürülmüş bu nümunələr də saxlanılıb. Alimlər bu iki nümunəni müqayisə edərək, buz təbəqəsində olan orqanizmləri təhlil ediblər.


Nümunələrin xarab olmaması üçün tədqiqat soyuq şəraitdə aparılıb. Mikroorqanizmlər və viruslarla işləmə prosedurlarını yerinə yetirən tədqiqatçılar 28-i müasir növ olan 33 virus cins qrupunu müəyyən ediblər. İqlim dəyişikliklərinin viruslar üzərində də dəyişikliyə səbəb olduğu təxmin edilir. Qlobal istiləşmə ilə birlikdə buzlaqlarda müşahidə edilən ərimənin köhnə virus növlərini səthə çıxardığı bildirilir. Lakin bu virusların səthə çıxıb hansısa şəkildə yayılıb-yayılmaması, özü ilə yeni epidemiyalar gətirib-gətirməyəcəyi hələ ki məlum deyil.

Aynil