“Azpetrol”un yaxınlığında yaşayış binası tikilir: “Partlayış olsa, kim cavab verəcək?” - FOTO
Yeni Günəşlidə yanacaqdoldurma məntəqəsinin yaxınlığında yaşayış binası tikilir.
Sfera.az bildirir ki, bu barədə ictimai fəal Haldun Novruzadə sosial şəbəkə hesabında yazıb.
O, fikirlərini bu cür ifadə edib:
“Dünən Yeni Günəşlidə “Azpetrol”dan yanacaq vururam, bir də gördüm, onun arxasında nəsə tikinti gedir. Yaxınlaşıb baxdım ki, yaşayış binası tikirlər. Təsəvvür edirsiniz? Yanacaqdoldurma məntəqəsi ilə tikilən yaşayış binası arasında heç 20 metr məsafə yoxdur”.
H.Novruzzadə Fövqəladə Hallar Nazirliyinin buna necə icazə verdiyini sorğulayıb:
“Allah eləməsin partlayış olsa, buna kim cavab verəcək? Bakı Şəhər İcra Hakimiyyəti, Bakı Şəhər Memarlıq və Şəhərsalma Baş İdarəsi rüşvət qarşılığında camaatın həyatı ilə niyə oynayırsınız ki?! “.
Türkan,
Sfera.az
