Rusiya-Ukrayna savaşı ilə bağlı daha bir iddia gündəm olub.

Sfera.az bildirir ki, bu dəfə Ukrayna qüvvələrinin radioaktiv maddə yayan bombalardan istifadə etdiyi barədə iddialar irəli sürülüb. Rusiyanın “çirkli bomba” iddiasına Ukraynanın cavabı gecikməyib. Zelenski Rusiyanın iddiasını təkzib edərək, bunun Moskvanın belə bir hücuma hazırlaşa biləcəyi anlamına gəldiyini deyib.

Ukrayna xarici işlər naziri Dmitro Kuleba isə Rusiyanın “çirkli bomba” iddiasını “təhlükəli və absurd” olaraq xarakterizə edib:

 “Birincisi, Ukrayna NPT (Nüvə Silahlarının Yayılmaması Müqaviləsi) öhdəliklərinə sadiqdir. Bizim nə “çirkli bomba”mız var, nə də onu almağı planlaşdırırıq. İkincisi, ruslar çox vaxt öz planlarına görə başqalarını günahlandırırlar”.

Xatırladaq ki, Rusiya müdafiə naziri Sergey Şoyqu Türkiyə Milli Müdafiə naziri Hulusi Akar, İngiltərə müdafiə naziri Ben Valles və Fransa müdafiə naziri Sebastyan Lekornu ilə telefon danışıqlarında Ukraynanın təxribat təşkil etmək üçün “çirkli bomba”dan istifadə etmək planının olduğunu məruzə etmişdi.

Günay Rəsulqızı