Vanda aparılan son qazıntılar böyük həyəcan yaradıb. Qazıntılarda tapılan qalıqlar sözün əsl mənasında Ermənistanı küncə sıxacaq.

Sfera.az Türkiyə mətbuatına istinadən bildirir ki, Türkiyə Sənaye və Texnologiya Nazirliyinin “Cəlb Mərkəzlərinə Dəstək Proqramı” çərçivəsində olan “Köhnə Van Şəhəri”ndə Şərqi Anadolu İnkişaf Agentliyinin təşəbbüsü ilə layihə həyata keçirilib.
 

Mədəniyyət və Turizm Nazirliyi, Vəqflər Region Müdirliyi, Van Qubernatorluğu, Van Böyükşəhər Bələdiyyəsi, YYU və İpekyolu Bələdiyyəsi kimi bir çox qurumun ortaq olduğu layihə köhnə Vanın yenidən dirçəldilməsini nəzərdə tutur.

Arxeoloji qazıntılar, bərpa və abadlıq işlərindən ibarət olan qazıntılarda günümüzə qədər gəlib çatmış tikililərin qorunması, bu tikililərin orijinal strukturunun qorunması, şəhərin maarifləndirilməsi məqsədi daşıyır.
 

Bundan əlavə, təyin olunmuş ərazilərdə aparılacaq qazıntılarda şəhərin tarixi keçmişinə dair çoxsaylı məlumatlara əldə etmək nəzərdə tutulub.
 

Şəhərin cənub divarlarında aparılan qazıntılar zamanı divarların çiy kərpic yonma daşla doldurulduğu və şəhəri qorumaq üçün xüsusilə Osmanlı dövründə tez-tez təmir edilərək gücləndirildiyi müəyyən edilib. Əvvəllər məlum olmayan dairəvi və düzbucaqlı qalaları kəşf edən bu araşdırmalar nəticəsində əsaslı məlumatlar əldə etmək mümkün olacaq.
 

Araşdırmalar zamanı daş döşənmiş yola və bu yolu hər iki tərəfdən əhatə edən mülki memarlıq izlərinə rast gəlinmişdir. Binaların çiy kərpic divarlarının kütləvi şəkildə uçması bu yolların bağlanmasına səbəb olduğu müəyyən edilib.
Bundan əlavə, tədqiqatlar zamanı qazıntı torpaq nümunələrində Osmanlı İmperiyasının son dövrlərinə aid çoxlu şirli və şirsiz keramika, tütün boruları, tunc sikkələr və müxtəlif metal tapıntılar müəyyən edilmişdir.


Tapılan xarabalıqlar qondarma erməni soyqırımı iddiası edən Ermənistanı dəli edəcək...
 

2022-ci ildə arxeoloji qazıntıların çox mühüm hissəsinin şəhər divarları ətrafında cəmləndiyinə diqqət çəkən araşdırma qrupu rəhbəri Prof.Gülsen Baş:


"Şəhər divarlarının müəyyən təyin olunmuş ərazilərdə unikal yol strukturu və şəhər divarları var. Divarların hansı keyfiyyətə malik olduğunu anlamaq üçün araşdırmalar aparılıb. Şəhər məhdud ərazi olduğu üçün çox tıxaclı memarlıq strukturuna malikdir. İstehkam divarının düz yanında bir-birinə bağlı kiçik məkanlar var. Bu məkanların bir qismi emalatxana və dükan kimi, bəziləri hərbi xarakterli, bəziləri isə yaşayış sahəsi kimi istifadə edilmişdir. Ancaq buradakı qazıntılarda ən diqqət çəkən məqam 1896 və 1897-ci illərdə erməni üsyanları olub. Bundan dərhal sonra Birinci Dünya Müharibəsinin baş verməsi ilə şəhər yandırılıb dağıdılmışdır. Üzə çıxarılan arxeoloji tapıntılar bu müharibəni əks etdirən tapıntılardan bəziləridir. Çoxlu qəlpə parçaları, bu qəlpələrin bölgədəki memarlığa vurduğu ziyan və onun izləri xüsusilə diqqəti çəkir. Müharibə arxeologiyası bölgədə xüsusən 19-cu əsrin sonu və 20-ci əsrin əvvəllərində baş verən üsyanların və müharibələrin arxivini sənədləşdirən bəzi xüsusiyyətlərə malikdir. Bu baxımdan bu, son dərəcə əhəmiyyətlidir”- deyə qeyd edib.

Aynil