Ötən günlərdə Parisdəki mənzillərinin həyətində çamadanda tapılan 12 yaşlı Lolanın müəmmalı ölümü bütün Fransanı təşvişə salıb.
 

Sfera.az xarici mətbuata istinadən bildirir ki, əqli qüsurlu olduğu deyilən Əlcəzairli qadın həbs edilib.

Normal qaydada gününü məktəbdə keçirən Lola günorta evə qayıtmayıb və atası təşvişə düşüb. Lolanın binada xadimə işləyən atası onun cəsədini plastik örtüklə gizlədilmiş çamadanda əzilmiş halda tapıb.

Meyitin ayaqlarında “0” və “1” yazıları aşkar edilib.

Əl-ayaqları bağlı olan qızın meyitinin müayinəsində boğularaq öldüyü müəyyən edilsə də, boynunda kəsik yaraları olduğu bildirilir. Lolanın bir ayağında “0”, digərində isə “1” yazılmış iki not kağızı tapılıb.

Polis qətldə əsas şübhəli olan 24 yaşlı Əlcəzair əsilli Dahbia B adlı qadını həbs edib. İstintaq araşdırmaları davam edir.
Qadın qızın itdiyi günün ikinci yarısında binanın əsas girişindən keçərkən təhlükəsizlik kameraları ilə müəyyən edilib. Daha sonra o, binadan çamadan çıxarıb, küçədə qəribə hərəkətlər edərkən görüntülənib.

Polis hələ ki ilkin olaraq Dahbia B.-nin psixoloji problemləri olma versiyası üzərində çalışır.

Bundan başqa Dahbia B-ni və onun çamadanını avtomobilində daşıdığı güman edilən 43 yaşlı kişi də həbs edilib. Dahbia B-nin Paris ətrafını gəzdikdən sonra bacısının yaşadığı yaşayış binasına qayıtdığı güman edilir.

Təhsil naziri Pap Ndiaye və Paris meri Anne Hidalqo Lolanın təhsil aldığı məktəbdə uşaqlar və valideynləri ziyarət edib. Şagirdləri sakitləşdirmək üçün psixoloji dəstək qrupları göndərilib.

Valideynlərdən biri mətbuata verdiyi açıqlamada:

“Qızım bütün həftə sonu ağladı, gözünü belə qırpmırdı. Artıq məhəlləmizdə heç kimə etibar edə bilmərik. "Övladlarım üçün çox narahatam" - deyə bildirib.

Prezidentin həyat yoldaşı Bricit Makron bunun dəhşətli və dözülməz faciə olduğunu bildirib.

Aynil