“Qalatasaray” a Vikinq gəlir
Okan Burukun rəhbərliyi altında bu mövsüm nisbətən zəif çıxış edən "Qalatasaray"dan ayrılıq xəbərləri gəlir. "Qalatasaray" ulduz futbolçu Patrick Van Anholt ilə yollarını ayırır.
Sfera.az xəbər verir ki, Okan Buruk "Kayserispor"la liqa matçında təcrübəli futbolçunu meydançaya çıxarmayıb.
Yeni mövsümə ulduz transferləri ilə başlayan “Qalatasaray”da yenə transfer mövzusu gündəmdədir. Bu mövsüm Super Liqada 9 matçda 5 qələbə, 2 məğlubiyyət və 2 heç-heçə edən klub qol sarıdan çətinlik çəkir.
Mertens, İkardi, Mata kimi ulduz futbolçuları heyətinə qatan "Qalatasaray" bu mövsüm arzuladığı futbolu ortaya qoymaqda çətinlik çəkir. Tənqid hədəfinə çevrilən Okan Buruk və komandası bu həftə "Alanyaspor"la qarşılaşacaq.
Türkiyə kubokunda "Kastamonuspor"u 7:0 hesablı qələbə ilə mübarizədən kənarlaşdıran "Cimbom" növbəti mərhələyə adlayıb və liqada son qələbədən sonra əhval-ruhiyyəni bir qədər artırıb.
Patrick Van Aanholt bu mövsüm "Qalatasaray"da ümidləri doğrultmayan futbolçulardan biridir. Təcrübəli sol cinah müdafiəçisini Okan Buruk "Kayserispor" matçında oynatmayıb və əvəzedici heyətə salıb.
Alınan məlumata görə hollandiyalı futbolçunun meneceri İstanbula çağırılacaq və ayrılıq danışıqları başlayacaq.
Təcrübəli ulduzun gediş biletini hazırlayan Okan Buruk artıq sol cinah müdafiəçisi üçün transfer işlərinə başlayıb. Mövsüm fasiləsi zamanı Hollandiyalı ulduzu daha gənc və daha prespektivli oyunçu - Van Anholt əvəz edəcək.
"Kopenhagen"də çıxış edən Viktor Kristiansen "Qalatasaray"ın transfer siyahısında birinci yerdədir.
19 yaşlı danimarkalı gənc “Qalatasaray” forması geyinən Mathias Ross ilə birlikdə ölkəsinin U21 millisində çıxış edir.
“Kopenhagen”lə 2025-ci ilə qədər müqaviləsi olan Kristiansenlə Avropanın 5 böyük liqasından bir çox komandanın maraqlandığı bildirilir.
Qeyd edək ki, gənc futbolçunun transfer dəyəri 4 milyon avro müəyyən edilib.
Aynil
