Bakı Şəhər İcra Hakimiyyətinin binası təmir edilir – 13,4 milyonluq müqavilə

Bakı Şəhər İcra Hakimiyyətinin inzibati binasının əsaslı təmir-bərpa işləri həyata keçirilir. İşlərin davam etdirilməsi ilə əlaqədar "Bakı Şəhər Əsasli Tikinti və Təmir" Məhdud Məsuliyyətli Cəmiyyəti "Cronos Construction" Məhdud Məsuliyyətli Cəmiyyəti ilə 13 449 827 manatlıq yeni müqavilə bağlayıb.

Sfera.az dövlət satınalamalarının vahid internet portalına istinadən xəbər verir ki,  bundan öncə də "Cronos Construction" şirkəti ilə Bakı Şəhər İcra Hakimiyyətinin inzibati binasının əsaslı təmir-bərpa işlərinin görülməsi məqsədilə müqavilə bağlanıb. 

İlk müqavilə 2021-ci ilin oktyabrında bağlanıb və dəyəri 788,77 min manat olub. İkinci müqavilə bu ilin mayında bağlanıb və onun dəyəri 980,9 min manat təşkil edib. 

Hər 3 müqavilə üzrə "Cronos Construction" şirkətinə icra hakimiyyətinin təmiri üçün ümumilikdə 15,22 milyon manat pul ödəniləcək. 

Vasif,

Sfera.az