Bəzən yuxuya getməyə hazırlaşanda elə bil hardansa yıxılırıq. Bunun niyə baş verdiyini heç düşünmüsünüzmü?
 

Bəzən bu yuxu görmə ilə, bəzi hallarda isə oyaqlıq və yuxu arasında olur. Çox sıx rast gəlinən bir haldır. Əslində isə bunun elmi izahı var.
 

Bu vəziyyət beynin iki yarımkürəsi arasında nəzarət ziddiyyətindən qaynaqlanır. Bu yıxılma hissi hipnotik qıvrılma adlanır. Başqa sözlə desək, beyin yuxu üçün ətraf mühitlə əlaqəni kəsərkən əzələlərin daralması ilə ortaya çıxan “münaqişənin” nəticəsidir. Bu hal bəzən hiss olunmur, bəzən isə çarpayıdan sıçrayışa səbəb olur.
 

Elmi dildə desək, tibbi adı miyoklonusdur. Sancılar müsbət miyoklonus, relaksasiya isə mənfi mioklonus adlanır. Mütəxəssislər 60-70 % insanların yuxuya getməyə hazırlaşanda bu hissi yaşadığını bildirir.
 

Bu sıçrayışlara gec saatlarda idman edənlərdə daha çox rast gəlindiyi bildirilir.
 

Yuxu rejimini qaydasına salmaq bu halların sıx yaşanmasını azaltmağa kömək edə bilər.

Stressli olduğunuz zaman beyin daha sürətli fəaliyyət göstərir və yuxu zamanı lazım olan istirahəti ala bilmir. Stress yuxu dövrünüzə mənfi təsir göstərə və yuxunuzun pozulma ehtimalını artıra bilər. Yatmazdan əvvəl stress səviyyənizi azaltmaq mütləqdir.

KOFEİN
 

Həddindən artıq kofein içməyin əzələlərinizin qıvrılmasına səbəb olduğu məlumdur. Bu da yuxu rejiminə təsir edir, sizi daha çox ayıq saxlayır və yaxşı gecə yuxusu almağa mane olur. Bu zaman beyin yatmaq, yuxu görmək istəsə də bədən yatmır, müvəqqəti “yuxulayır”. Bu zaman da qeyri-iradi əzələ hərəkətləri qıcıqlanmağa başlayır.

Aynil