Yunanıstan Türkiyə və Azərbaycan vətəndaşlarına Kiprə getməyi QADAĞAN EDİR

“Yunanıstan qeyri - rəsmi olaraq yalnız Türkiyə və Azərbaycan vətəndaşlarına yunan Kiprinə getməyi qadağan edir?! Hətta bizim Şengen vizamız olduğu təqdirdə belə əlavə olaraq yunan Kiprinin ayrıca vizası tələb edilir. Absurddur, amma acı reallıqdır”.    

                                                                          
Sfera.az xəbər verir ki, bu sözləri Bakı Beynəlxalq Mulltikulturalizm Mərkəzinin şöbə müdiri, jurnalist Yadigar Məmmədli deyib.

“Okytabrın 19-da mən Avropa Mətbuat Şuraları Alyansının (AIPCE) yunan Kiprində keçirilən illik toplantısına qatılmaq üçün bu ölkəyə səfər etdim. Postpandemiya və Rusiya-Ukrayna müharibəsi fonunda, min bir əziyyətlə və çox baha qiymətlərlə uçaq biletlərini əldə edib yola düşdüm. Birbaşa olmadığına görə, digər ölkə üzərindən Afinaya gəldim. Oradan yunan Kiprinə söylədiyim səbəb üzündən buraxılmadım. 

Afina hava limanında 5 saatlıq mücadiləm də müsbət nəticə vermədi. Məsələyə məni dəvət edən tərəfin, Avropa Mətbuat Şuralarının müdaxilə etməsinin də xeyri olmadı. Durumumu düşünün. 4 günlük tədbirə gediş-dönüş uçaq biletlərim alınıb, hotel rezervasiya edilib. Mən kor-peşiman geri dönməliyəm. Allah bunu heç düşmənimə də... Yox yunan qarışıq kiprlilərə qismət eləsin, düşməndilər ki, düşmən. Yazdım ki, ora səfər edənlər nəzərə alsın, biməyənlər bilsin”, - Y. Məmmədli deyib.

Turan Rzayev,

Sfera.az