“Paşinyan müharibəyə hazırlaşır, bu ölkələrdən silahlar alır” - İDDİA

“Ermənistan Baş naziri Nikol Paşinyan imzalanan sənədlərlə vaxt qazanaraq Hindistan və Sloveniyadan yeni silahlar tədarükü istiqamətində işlər aparır”.

Bunu Sfera.az-a açıqlamasında politoloq Məhəmməd Əsədullazadə deyib. Onun sözlərinə görə, Ermənistan yaxın zamanlarda Ermənistan yenidən təxribatlara əl ata bilər:

“Ermənistanın əsas planı Azərbaycanın möhkəmləndiyi ərazilərdən çıxarılmasıdır. Rəsmi İrəvan bu dəfə Avropa mülki müşahidə missiyasının arxasında gizlənəcək. Bu səbəbdən Ermənistana vaxt tanımaq olmaz. Qarabağdakı silahlı erməni birləşmələrinin qalmasına mane olmaq və onların sərhəddə cəmləşməsinə zərbələr endirmək lazımdır”.

Ekspert qeyd edib ki,  Ermənistan ərazi bütövlüyümüzü tanıdığını desə də, silahlı qüvvələri ərazilərmizdə qalır:

“Ona görə də Ermənistanın siyasi davranışlarında sülh deyil, yeni müharibəyə hazırlaşmaq planları aydın görünür. Digər tərəfdən, nəzərə almaq lazımdır ki, Nikol Paşinyan Vladimir Putinin üçtərəfli görüşündən də imtina edib. Bu da onun yeni müharibəyə hazırlaşdığını sübut edir”.

Günay Rəsulqızı