Xalq artistinin əməliyyatı üçün 254 min AZN lazımdır: "Ümidim sizədir" - FOTO

Uzun müddətdir xəstəlikdən əziyyət çəkən Xalq artisti Könül Xasıyevada şiş aşkarlanıb. 

Sfera.az xəbər verir ki, bu barədə sənətçi özü məlumat verib. Xasıyevanın sözlərinə görə, o, təcili əməliyyat olunmalıdır. Lakin ifaçının əməliyyatı üçün tələb olunan vəsait çox olduğundan onun buna maddi imkanı çatmır:

"22 ildir hər gecə ölümlə çarpışdım, səhər yenə qalxmağa, dik durmağa çalışdım. Tək bir səbəbim vardı. Narahat və yeganə övladım Kazımın toyunu görmək! Amma boğazımda yaranan bəd xassəli şiş bütün ümidlərimi qırdı. Elə bilirəm, dünya uçub altında qalmışam. Amma bir ümid var ki, hələ metastaz verməyib. Vaxtında əməliyyat olunsam, yaşama şansım var. Almaniyada olacaq əməliyyat üçün 150.000 dollar (254 min manat) lazımdır. Ümidim sizədir, məni dualarında yaşadan əziz xalqımız! Vəsait yığılıb, sağ-salamat qayıtsam, Allahın izni ilə 2 gün Heydər Əliyev sarayında və daha sonra bölgələrimizdə pulsuz, açıq konsertlər verəcəm".

BAKU.WS