İşıqdan 7 dəfə sürətli hərəkət edən cismin sirri açıldı - Qeyri-mümkün idi
Alimlər işıqdan 7 dəfə daha sürətli səyahət edərək fizika qanunlarını pozan material axınının sirrini açıblar.
Sfera.az xəbər verir ki, iki neytron ulduzun toqquşması nəticəsində yaranan bu axın ilk dəfə 2017-ci ildə Hubble Kosmik Teleskopu tərəfindən aşkar edilib.
Mövcud fizika qanunlarına görə heç bir cismin işıqdan daha sürətli hərəkət etməsi mümkün olmadığı üçün NASA tədqiqatçıları 5 il ərzində bu sirri açmağa çalışıblar.
Bu qəribə hadisəyə 70 rəsədxananın mütəxəssisləri birlikdə araşdırmanın sonunda aydınlıq gətirib.
“Nature” elmi jurnalında dərc olunan məqalədə bunun optik illüziyadan qaynaqlandığı bildirilib.
NASA-ya görə isə bu material axını Yerə demək olar ki, işıq sürəti ilə yaxınlaşır. Material axınının başlanğıc nöqtəsindən sonra pillələrdə yayılan işıq da hər dəfə daha qısa məsafəyə malikdir. Bu ilk baxışda onun işıqdan daha sürətli hərəkət etdiyi kimi görünür.
Əlavə hesablamalarla tədqiqatçılar material axınının faktiki sürətini də tapa biliblər.
Kosmik cismin əslində işıq sürətinin ən azı 99,97 %-i ilə hərəkət etdiyi məlum olub. Araşdırma qrupunun gəldiyi qənaətə görə bu hələ də inanılmaz sürətdir.
Tədqiqatlar nəticəsində həmçinin iki neytron ulduzun kütlələrinin birləşməsinin son dərəcə sıx bir obyekt əmələ gətirdiyi də məlum olub.
Müvafiq olaraq sözügedən obyekt öz içinə çökərək qara dəliyə çevrilərək ətrafdakı materialı sürətlə fırlanan diskə çevirir. Diskin formalaşması zamanı cismin qütb bölgələrindən kosmosa sürətli material axınları atılıb.
İndiyə qədər ən güclü teleskop kimi tanınan James Webb Kosmos Teleskopunun gələcəkdə neytron ulduzlarının birləşmələri ilə bağlı daha dəqiq müşahidələr aparacağı gözlənilir.
Araşdırma qrupu həmçinin bu tapıntılar sayəsində kainatın genişlənmə sürətinin daha yüksək dəqiqliklə hesablana biləcəyini düşünür.
Aynil
