Bolqarıstan Eurovision 2023-dən imtina etdi - Pul yoxdur
Bolqarıstan maliyyə çatışmazlığı səbəbindən 2023-cü ildə “Eurovision” da iştirak etməkdən imtina edib.
Sfera.az xarici mətbuata istinadən bildirir ki, bu barədə hökumət portalı məlumat yayıb.
Xatırladaq ki, müsabiqədə iştirakla bağlı qərarı dövlət telekanalının idarə heyəti qəbul edir; iştirak haqqını dövlətlərin yayım şirkətləri ödəyir.
Bolqarıstan telekanalının verdiyi hesabatda büdcəsinin bu il 2 milyon leva (1 milyon dollar) azaldıldığı, xərclərin isə üç dəfə artdığı bildirilir. Buna görə də imtinanın səbəbinin sırf maliyyə xarakterli olduğu bildirilir.
Bolqarıstan dövlət telekanalının idarə heyəti müsabiqədə iştirakını yersiz hesab edib.
Qeyd edək ki, bir sıra iştirakçıların imtina səbəbindən müsabiqədə iştirak haqqı artıb. Monteneqro, Bosniya və Herseqovina, Andorra, Şimali Makedoniya, Slovakiya, Monako və Lüksemburq “Eurovision” yarışmasında iştirakdan imtina edib.
Ukrayna münaqişəsinə görə isə Rusiya və Belarusun iştirakına icazə verilmir.
Xatırladaq ki, iyul ayında BBC-nin Böyük Britaniyada “Eurovision”a ev sahibliyi etmək üçün 17 milyon funt sterlinq ödəyəcəyi bildirilmişdi.
Aynil
