Mayk Tayson ilk dəfə qulaq dişləməsi haqqında danışdı - 30 milyon dollar qazandım
Boks dünyasının əfsanəsi Mayk Tayson 1997-ci ildə rinqdə qarşılaşdığı Evander Holifildin qulağını dişləməsi ilə bağlı ilk dəfə hər kəsi təəccübləndirəcək açıqlamalar verib.
Sfera.az “dəmir” Maykın qalmaqala səbəb olmuş, illərdir ən çox danışılan hərəkətləri haqqında məlumatlar toplayıb.
28 iyun 1997-ci ildə boks dünyasının əfsanəsi Mayk Tayson dünya gündəmini çalxalamışdı. Mayk öz rəqibi Evander Holifildin qulağını dişləyən qalmaqallı hərəkətə imza atmışdı. İllər sonra Tayson hadisə ilə bağlı çox təəccüblü açıqlamalar verib.
BOKSDAN ƏLİL
Mayk Tayson WBA ağır çəkidə çempionluq üzrə rəqibi Evander Holifildin qulağını qopardıqdan sonra diskvalifikasiya edilmiş və gələcəkdə ona boksla məşğul olmaq qadağan edilmişdir. Lakin sonradan əfsanəvi boksçunun rinqə qayıtmasına icazə verildi.
3 milyon dollar cərimə
Mayk Tayson hadisədən sonra üzləşdiyi sanksiyalardan əlavə, 3 milyon dollar cərimə olunub. Bununla belə, Tayson hadisələr sayəsində sərvət qazandığını bildirib.
Tayson bu hadisənin ona 30 milyon dollar qazandırdığını söyləyərək, bu sözləri deyib:
"Bunun üçün üç milyon dollar cərimə olundum, bəlkə də o vaxtdan bəri 30 milyon dollar qazanmışam".
Əfsanəvi boksçu əlavə edib ki, qarşılaşma zamanı Holifildin davamlı baş zərbələrindən əsəbiləşib və buna görə də o bu addımı atmaq məcburiyyətində qalıb.
Ötən aylarda Mayami Beynəlxalq Hava Limanında əlil arabasında görüntülənən Mayk Tayson pərəstişkarlarını qorxutmuşdu.
Daha sonra əfsanəvi boksçu Sciatica adlı xəstəlikdən əziyyət çəkdiyini açıqlamışdı.
Qeyd edək ki, Sciatica əzələ zəifliyi və ya daralması, intervertebral disklərin zədələnməsi ilə müşaiyət olunan sinir qıcıqlanmasıdır.
Adətən ekən yaşlarından ağır fiziki işlərlə məşğul olan, yaxud çox az hərəkət edən insanların bu xəstəliyə tutulma riski daha yüksəkdir.
Aynil
