Bu il Azərbaycanda bank əmanətçiləri real gəlir əldə etməyəcək – SƏBƏB
Bu il Azərbaycanda qeydə alınan inflyasiya əmanətlərə görə verilən faizlərdən yüksək olacaq. Buna görə də 2022-ci ildə bank əmanətçiləri real gəlirə sahib olmayacaq.
Sfera.az bildirir ki, 2022-ci ilin yanvar-avqust ayları ərzində inflyasiya 13,2 faizə yüksəlib. Hökumətin və Mərkəzi Bankın proqnozuna əsasən, ilin yekununda inflyasiya 12 faiz olacaq.
Hazırda Azərbaycan bankları müştərilərinə ən yüksək faizi manatla olan əmanətlərə görə ödəyir. Manatla olan əmanətlər üzrə 11 faizə divident verilir. Xarici valyutada olan əmanətlərdə isə ən yüksək illik faiz 2-2,5-dir.
Əgər bu il inflyasiya 12 faiz olarsa, o halda, banklar müştərilərinə real gəlir verməyəcək.
Qeyd edək ki, belə vəziyyət dünyanın əksər ölkələrində, o cümlədən ABŞ və Avropada da müşahidə edilir. Həmin ölkələrdə illik inflyasiya 8-10 faiz səviyyəsində olduğu halda, banklar müştərilərinə illik 2-3 faiz divident ödəyir.
Vasif,
Sfera.az
