30 ölkənin müdafiə nazirləri NATO-nun mənzil-qərargahında toplaşdı – Ukraynaya görə
NATO Müdafiə Nazirlərinin Toplantısı başlayıb.
Sfera.az bildirir ki, alyansın 30 üzvünün müdafiə nazirləri NATO-nun Belçikanın paytaxtı Brüsseldəki mənzil-qərargahına gəlib. NATO-nun baş katibi Yens Stoltenberq görüşdən əvvəl açıqlama verərək Rusiyanın son günlərdə Ukraynaya etdiyi hücumun müharibə başlayandan bəri “ən ciddi” səviyyədə olduğunu deyib.
"İclasın ən mühüm mövzusu Ukraynaya yeni hava hücumundan müdafiə sistemlərinin çatdırılması olacaq. Müttəfiqlər artıq hava hücumundan müdafiə sistemlərini təmin ediblər, lakin Ukraynanın daha çoxuna ehtiyacı var".
Qeyd edək ki, iki gün davam edəcək NATO Müdafiə Nazirləri Toplantısının ilk günündə Ukrayna Müdafiə Təmas Qrupu da iclas keçirəcək. Daha sonra nazirlər axşam iş yeməyində bir araya gələcəklər.
Günay Rəsulqızı
