Bayden Rusiyanın Kiyevə endirdiyi zərbələri PİSLƏDİ

Birləşmiş Ştatlar Rusiyaya təzyiqləri yeni sanksiyalar vasitəsilə artıracaq, həmçinin lazım olan müddətdə Ukraynanı dəstəkləyəcək.

Sfera.az xarici mətbuata istinadən bildirir ki, ABŞ prezidenti Co Bayden Rusiyanın Ukraynadakı strateji obyektlərə kütləvi zərbə endirməsi ilə bağlı açıqlama verərkən qeyd edib.


“Rusiyanın hazırkı hücumları Ukrayna xalqı ilə lazım olan müddət ərzində çiyin-çiyinə dayanmaq öhdəliyimizi gücləndirir. Müttəfiqlərimiz və tərəfdaşlarımızla birlikdə biz Rusiyaya bu hücumlara görə sanksiya tətbiq etməyə davam edəcəyik”- Amerika prezidentinin bəyanatında deyilir.

Eyni zamanda, Bayden Rusiya prezidenti Vladimir Putinin və bütün Rusiyanın hərəkətlərinə görə cavab verməli olduğunu bildirir.

ABŞ prezidenti həmçinin qeyd edib ki, Birləşmiş Ştatlar Ukrayna qüvvələrinə lazım olan dəstəyi verəcək.

BMT baş katibinin sözçüsü Stefan Düjarrik də qeyd edib ki, Rusiyanın Ukrayna şəhərlərinə son irimiqyaslı raket zərbələri münaqişənin qəbuledilməz mərhələsidir. Düjarrik eyni zamanda BMT-nin baş katibi Antonio Quterreşin də Rusiya Silahlı Qüvvələrinin Ukrayna ərazisinə endirdiyi yeni zərbələrdən dərin sarsıntı keçirdiyini vurğulayıb.

Rusiya prezidenti Vladimir Putin isə öz növbəsində Rusiya Federasiyasında terror aktları törətmək cəhdlərinin davam edəcəyi təqdirdə Moskvanın cavablarının sərt və miqyasına uyğun olacağına diqqət çəkib.

Aynil