“Beşiktaş”da gözlənilməz ayrılıq

Valerien İsmaelin rəhbərliyi altında Superliqanın qalibi olmağı hədəfləyən "Beşiktaş" futbolçusu yanvarda klubdan ayrılma ehtimalı olduğunu işarə vurub.

Sfera.az Türkiyə mətbuatına istinadən bildirir ki, baş məşqçi Valerien İsmaelin heyətdə yer vermədiyi Fransisko Montero özü bu barədə İspaniya mətbuatına açıqlamalar verib. Montero bəzi təkliflərin olduğunu və onları dəyərləndirəcəyini bildirib.

"Yanvarda alternativ seçimlər olarsa, menecerim və mən bunu nəzərdən keçirəcəyik. Əlimdən gələni edəcəyəm" - Fransisko Montero açıqlamasında bildirib.

Həmçinin “Sevilla”nın yay aylarında Montero ilə yaxından maraqlandığı deyilir.

Xatırladaq ki, Montero "Beşiktaş"da indiyədək cəmi 45 dəqiqə oynayıb. Onun klubla hələ 3 illik müqaviləsi var.

Montero mərkəz müdafiəçi mövqeyindən başqa, sol cinah müdafiəsində də oynaya bilər.

Aynil